'Pusher' sikop sa checkpoint
- Darrel Carumba () - November 3, 2011 - 12:00am

CEBU, Philippines - Sa katapusan nasikop na gyud sa kapulisan ang gitumbok nga labing idlas ug gihulagway sa kapolisan nga level 2 drug pusher sa isla sa Bantayan atol sa gilusad nga checkpoint sa kapulisan didto sa barangay Suba Bantayan niadtong nakalabay’ng Domingo sa hapon.

Ang nasikop nga suspek ug nakuhaan og mga pinakiteng shabu ug marijuana mao si Erwin Chua, 40, molupyo sa barangay Binabao.

Matud ni Sr. Insp. Florendo Fajardo, hepe sa Bantayan Police dihang nahinabi sa Banat News, ang suspek nagmaneho sa iyang motorsiklo dihang pag-abot sa checkpoint kadudahan kaayo ang linihukan dihang ilahang gipahunong.

Apan dihang gipaablihan ang U-box sa motorsiklo niini didto nakit-an ang unom ka gagmay’ng sachet nga gituohang dunay sulod nga shabu ug drug paraphernalia.

Tungod niini ilaha kining gidakop ug gidala sa ilang buhatan ug didto namatikdan kini nga nagsige og kuot sa bulsa sa iyang karsones hinungdan nga gisusi na usab kini sa kapulisan ug napalgan na usab ang mga pinaugang dahon sa marijuana.

Ang nakuhang ebidensya gikatakda pang ipasusi sa PNP Crime Laboratory pagtino kung ilegal nga drugas ba gyud kini.

Gihulagway sa kapulisan nga notadong tigpayuhot og gidiling drugas si Chua sa tibuok isla nga gibanabana nilang makahalin og usa ka gatos ka libo ka pesos nga balor sa shabu sud lang sa usa ka semana.

Giangkon sa kapulisan nga nakapiang karon sa operasyon sa ginadiling drugas sa isla ang pagkasikop sa suspek ug karon ang ilang gipangita mao ang mga giingong runners ni Chua.  - BANAT NEWS  

APAN BANAT NEWS BANTAYAN POLICE CHUA CRIME LABORATORY ERWIN CHUA FLORENDO FAJARDO SR. INSP SUBA BANTAYAN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with