Kapin 100 na ang patay sa bagyo

CEBU, Philippines - Misaka na ngadto sa kapin 100 ang nakalas ug binilyon ang gibiling danyos sa duha ka nagsunod nga bagyong miigo sa Luzon sumala pa sa National Risk Reduction Management.

Ang bagyong Pedring (international name Nesat) misulod sa Pilipinas niadtong Septiyembre 27 apan bag-ohay palang kini makabiya dihang misulod dayon ang Typhoon Quiel (international name Nalgae) pagka Oktubre 1.

Daan nang napanglantawang posibleng mas dako ang danyos nga ibilin ang duha ka bagyo komparar sa bagyong Ondoy duha ka tuig na ang nakalabay.

Ang maong mga bagyo pulos miagi sa mga agricultural provinces sa northern Luzon ug midanyos gibanabanang P12 bilyones ($275 million) nga pananom. - Gikan sa Wires/EIM (BANAT NEWS)