Mipatay sa kolektor taga sikbit brgy

CEBU, Philippines -  Pabiling blangko ang kapulisan pagtumbok ug pag-ila sa tulo ka mga batan-ong responsable sa pagtulis ug pagpatay sa usa ka bank collector sa sitio Martinez barangay Caputatan Norte lungsod sa Medillen niadtong Martes sa hapon.

Gibutyag ni SPO4 Carlos Condeno, imbestigador sa Medillen Police Station dihang nahinabi sa Banat News duna na karun silay gisubay nga anggulo aron matumbok ang mga responsable sa krimen.

Dunay pagdudang molupyo ra sa sikbit nga barangay diin nahitabu ang krimen ang mga tulisan nga ilaha na karong gipanid-an. Mao pa usab kini ang unang higayon nga dunay lending collector nga gitulis ug gipatay sa ilang dapit.

Nunot niini gibutyag ni Condeno nga nakig-alayon na karun sila sa mga security officers sa mga lending company ug ubang financial institution sama sa bangko sa ilang lugar aron mapalig-on ang seguridad sa ilang mga kolektor.

Nasayran nga patay diha diha ang lending collector nga si Dexter Canales sa Fairbank Inc. Daanbantayan Branch human kini gi-ambusan sa tulo ka tulisan diha sa katobhan ug gitulis.(EIM)  (BANAT NEWS)