Taga Norway kadugtong sa UC

CEBU, Philippines - Ang University of Cebu (UC) ug ang Norwegian Shipowners Association (NSA) nagpalig-on na sa ilang kadugtungan sulod sa lima ka tuig pinaagi sa paghatag og full-free scholarship   sa kaliboan na ka mga mitungha sa Maritime.

Sukad pa sa tuig 2007 mikabat sa 300 ka mga estudyante ang nakadawat og libreng bayad sa eskuylahan, lakip na ang board and lodging ug mga libro.

Gawas niini , ang mga scholar may kahigayonan pang makalarga sa gawas sa panahon sa ilang pag-apprentice ug may allowance pa sila nga $450 matag buwan ug posibli pang makatrabaho sila sa mga barko nga iya sa mga negosyante sa Norway sa panahong mograduwar na sila sa ilang kurso.

Alang sa dugang kasayoran, pakigkitai si Dr. Leonilo B Oliva, Director sa UC Scholarship Department sa UC sa telepono 255-7777, local 156 o kaha ni Ms. Daphne N. Abejar, Manager, Educational Development Tsuneishi Foundation (Cebu) Inc. sa telepono 230-8403 local 6765.   - (BANAT NEWS)