Giduslak-duslak samtang natulog tipi
- Romeo T. Limpangog ug Bong Soriano () - March 25, 2011 - 12:00am

 CEBU, Philippines - Nagbuy-od ug naligo sa iyang kaugalingong dugo ang usa ka lalaki human kini gisaka sa iyang panimalay ug gidunggab diha sa Lopez Jaena St. barangay Poblacion dakbayan sa Lapulapu kagahapon sa kaadlawon.

Ang biktima mao si Ian Clark Ravina, residente sa maong dapit ug usa ka parking attendant.

Base sa imbestigasyon ni SPO2 Ernesto Francisco sa Homicide Section sa kapolisan sa dakbayan sa Lapulapu nasuta nga mga alas 2:30 kagahapon sa kaadlawon napalgang patay si Ravina nga napuno sa dinunggaban ang kalawasan.

Usa ka Ernesto Maymay residente usab sa maong dapit mipadayag nga nakamata kini human siya makadungog og saba sa lawak sa biktima ug sa pagsusi pa niini naglunang na sa iyang kaugalingong dugo si Ravina.

Sayo pa niini miuli si Ravina nga hubog sa iyang panimalay ug midiretso sa iyang lawak.

Blangko pa hangtud ning pagsuwat sa balita kung kinsa ang responsable sa maong krimen ug sa motibo niini apan nagduda ang kapolisan nga dako ang kasuko sa mamumuno ngadto ni Ravina gumikan sa kadaghan sa mga samad dinunggaban nga nahiaguman niini.(EIM) (BANATNEWS) 

ARIAL BLANGKO ERNESTO FRANCISCO ERNESTO MAYMAY HOMICIDE SECTION IAN CLARK RAVINA LOPEZ JAENA ST. NAGBUY RAVINA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with