Konsehal wa ganahi sa iyang komite

Ang bag-ong napiling konsehal sa barangay Mambaling ning dakbayan sa Sugbo nga si Emier Hamis mibutyag nga wala siya mahimuot sa iyang komitiba nga Committee on Historical and Cultural Affairs nga siya ang chairman.

Si Hamis, usa ka bag-ong sulbong sa natad sa politika, mikulit og kasaysayan sa barangay Mambaling tungod kay siya maoy labing unang independent candidate nga midaog sa milabay'ng Barangay and Sangguniang Kabataang election niadtong Oktubre 25, ning tuiga

Hinoon, matod pa ni Hamis nga isip usa ka public servant, iyang dawaton ang trabaho nga gisangon kaniya ni barangay kapitan Rodolfo Y. Estella. Isip bag-ohay lang sa politika, si Hamis lang usab ang bugtong konsehal nga usa lang ka komitiba ang gidala dili parehas sa uban nga labing menos duha.

Si Hamis sakop sa duha ka laing komitiba nga mao ang Committee on Solid Waste Management and Urban Poor nga gidumala ni Konsehal Victoriano Laborte ug sa Committee on Youth Affairs and Sports nga gidumala usab ni Konsehal ug SK chairman John Albert Vergara.

Gipaneguro ni Hamis nga mahimo siyang usa ka epektibong lider sa sports diha sa barangay Mambaling.

Matud pa ni Hamis nga bisan og wala kaayo siya'g dakong hibangkaagan sa historical ug cultural affairs, busa wala siya ganahi niining komiteha, iyang paningkamotan nga makaserbisyo sila sa barangay sa laing paagi ug usa na niini ang pag-atiman sa mga kabus tungod kay mahiligon siya sa general services. (BANAT NEWS)