Dugang trabaho target ni Villar kun makadaog

CEBU, Philippines - Dugang trabaho dinhi sa nasud maoy nag-una sa listahan sa mga buhaton ni Nacionalista Party presidential candidate Sen. Manny Villar tungod usab sa nakitang kalisod sa kahimtang sa mga Overseas Filipino Workers (OFWs) nga iyang mga natabangan.

Si Villar nga 18 ka tuig na ang kasinatian sa Kongreso nagkanayon, mahimo lamang kini kun siya maoy makalingkod pagka-presidente sa nasud, si Villar adunay kaugalingong OFW helpline aron tabangan kadtong mga giabusong OFWs sa ilang mga agalon sa gawas sa nasud nga makapauli dinhi ug naghatag kanila og legal assistance. “Our dream is to have a country, na ang isang Filipino ay hindi na kailangan umalis ng bansa para magtrabaho. That is our long term objective. That’s why we want to provide jobs. That’s why we want to create jobs in the Philippines but now we can’t do that immediately,” pasabot pang Villar.

Partikular nga gustong buhaton ni Villar mao ang paghimo og safety net sa placement sa mga OFW nga nabiktima sa abroad, pagpadako sa budget sa Department of Labor and Employment, paghatag og oportunidad nga makanegosyo ang mga OFWs ug uban pa.

Matud pa niini, kun daghan na ang trabaho dinhi sa nasud wala na magkinahanglan pang manglangyaw ang mga Filipino aron lang may ibuhi sa pamilya.

Sa pagkakaron, si Villar usa sa mga mitukod og mga livelihood trainings aron maenganyo ang mga Filipino sa pagnegosyo ug aron usab makatabang paghimo og dugang trabaho.

Atol sa paglingkod niini sa Ubos Balaybalauranan, si Villar maoy utok sa katukoran sa Manpower on Wheels nga usa ka livelihood training nga pasilidad alang sa mga kabus nga tinun-an, Sipag at Tiyaga Caravan Kaalaman alang sa mga estambay.

Si Villar usab ang author sa RA 9174 kon The New Balikbayan Act ug RA 9189 kon The Overseas Absentee Voting Act of 2003 ug uban pa. - BANAT NEWS