Sub-port sa Mactan bag-o og kolektor

CEBU, Philippines - Bag-o na karon ang collector sa Sub-Port of Mactan sa Bureau of Customs (BOC) human hulipi si Collector Ernesto Urbano, base sa mando ni Customs Commissioner Napoleon "Boy" Morales.

Si Urbano mao nay mahimong deputy collector for assessment sa Customs Port of Batangas , samtang si.collector Rene Binavides, kinsa maoy Deputy Collector for Assessment sa Port of Batangas maoy ihulip kang Urbano diha sa Sub-Port of Mactan sa Mactan Cebu International Airport.

Miingon si Urbano nga ang pagrelibo kaniya walay kalambigitan sa pakigbangi niya sa ubang mga department heads sa maong buhatan ug ang kapakyas sa pagkuha sa ilang target collection sa milabay’ng tuig. Usa lamang kini ka naandang sistema diha sa BOC aron matuman ang gitinguhang target collection nga gitahas sa matag buhatan sa adwana dinhi sa nasud. - Bong Soriano (BANAT NEWS)