^

FTP, Polis deriyot magpinusilay

- Ni Guam Logroño () - January 28, 2009 - 12:00am

Cebu - Unom ka mga bagitong polis nga ubos sa Field Training Program (FTP) ang diriyot nakigpinusilay sa laing polis nga sakop sa Mobile Patrol Group (MPG) sa Cebu City Police Office dihang nagkarambola sulod sa usa ka diskohan sa Mango Square sa Gen. Maxilom Ave. sa barangay Camputhaw ning dakbayan kagahapon sa alas dose sa kaadlawon gumikan lang sa pag-binastos sa maong mga bagitong polis sa usa ka babaye.

Ang unom ka mga FTP nga gireklamo sa mga sibilyan giila nga sila si PO1 Constancio Mapili, 30; PO1 Jeker Llanes, 30; PO1 Gilbert Mapili, 29; PO1 Jason Tompong, 23; PO1 Bonifacio Undalok, 24 ug PO1 Anthony Binigay, 23; samtang ang mireklamo mao ang managtiayong Wilfredo Bueno Jr. 28 ug Merva Bueno, 23; mga higalang sila si Ann Mahinay 26, ug mga higalang ginganlan og Cynthia ug Cris uban sa mga bana usab niini.

Ang mga reklamante nga midangop sa Fuente Police Station mitug-an nga diha sila sa Club Juliana sa maong dapit uban sa ilang higalang off-duty nga police nga si PO1 Erwin Tequero nga sakop sa MPG sa CCPO niadtong tungura.

Nagubot ang maong dapit dihang mireklamo ang mga kaubang babaye sa managtiayon nga gikumot-kumot ni PO1 Mapili ang ilang mga sampot samtang nag-‘grind-grind’ og sayaw bisan makadaghan na nila kining gibadlong.

Tungod niini, si Wilfredo mibadlong ni PO1 Mapili apan gikatahong nasuko si Llanes dayong duol ug miduslak ginamit ang mga tudlo sa agtang ni Wilfredo ug gisagpa kini og tsapa dayong pailang usa siya ka polis, kini misangpot sa lamok-lamok sa duha ka grupo.

Sa wala pa mahitabo ang panaglamok, giingong makatulo gibadlong si Mapili nila ni Cris ug Cynthia apan wala kini mopatuo hinungdan nga gisiko nila kini apan nasuko ang maong polis, dihang misinghag na si Mapili mipatunga dayon si Wilfredo ug mibadlong kaniya dungan sa pag-iway sa iyang duha ka mga kamot.

Daw nagmahay usab ang mga reklamante ngadto sa mga bouncer tungod kay si Wilfredo lang maoy gikuptan samtang si Mapili nga maoy nagmugna sa kasamok ug nagpaila dayong polis wala nila kupti.

Si Wilfredo nagpakurasyon sa Cebu City Medical Center tungod sa garas nga naangkon sa pagtamparos kaniya og tsapa ni Llanes.

Samtang gihimakak ni Wilfredo ang pasangil ni PO1 Mapili nga gitionan sila og armas sa kaubang polis sa mga nagreklamo nga si PO1 Tequero. Matud pa niini nga igo rang mibadlong ug mipatunga si Tequero sa kagubot.

Si PO1 Tequero mibutyag sa mga sakop sa media nga gikan pa siya sa kasilyas niadtong higayuna ug kalit gitawag sa iyang mga higala nga nangayo’g tabang tungod sa pagbinastos sa grupo sa mga lalaki sa ilang mga kaubang babaye maong mitawag dayon siya og backup sa MPG una miduol sa kagubot.

Si Llanes mihimakak nga nanagpa gamit ang iyang tsapa ug mibutyag usab nga ang bun-og ni Wilfredo bunga kadto sa panaglamok-lamok.

Si Police Regional Office (PRO7) Chief Supt. Ronald Roderos nga gikahinabi sa Banat News mimando sa CCPO nga imbestigahon ang nahitabo ug paabuton ang resulta niini gikan kang CCPO director Sr. Supt. Patrocinio Comendador una pa siya mohimo og lakang.

Apan iyang gitataw nga ubos sa iyang hurisdiksyon mamahimo niyang ipa-dismiss gilayon ang maong mga FTP tungod kay sa pagkatinuod dili pa sila hingpit matawag nga mga polis hangtud di nila makumpleto ang tanang rekisitos nga trainings una pa ma-permanent status.

“Alam mo hindi pa sila police, FTP pa. Madali lang disiplinahin ang mga yun. Kasi hindi pa sila permanent na police pwede ko silang ma-dismiss kahit anong oras,” sumala pa ni Roderos.BANAT NEWS

ANN MAHINAY ANTHONY BINIGAY BANAT NEWS MAPILI PO1 POLIS TEQUERO WILFREDO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with