Vidal nag-ampo para kaayuhan ni Tomas
CEBU -Gipanalanginan ni Cebu Archbishop Ricardo Cardinal Vidal si Mayor Tomas Osmeña sa balatian niini nga padayon pa karong gitambalan pinaagi sa chemotherapy didto sa Estados Unidos kagahapon sa buntag atol sa selebrasyon sa ika-37 ka tuig niini isip Obispo ug maoy iyang ika-27 ka tuig dinhi sa Sugbu.
“I pray that you’ll be able to recover and return back here to serve us,” sumala pa ni Vidal.
Si Osmeña padayon karong giatiman sa MD Anderson Cancer Center sa Houston Texas, sa US gikatakdang ipailawom og usab og chemotherapy sunod semana tungod sa giingong sakit niini nga cancer sa pantog.
Matud pang Vidal kun makabalik na ang mayor ug maayo na ang sakit mapadayon na niini og mas maayong pamaagi (“better way”) sa iyang trabaho.
Giampo usab ni Vidal nga kung mabalik na ang mayor mahunong na ang padayong panagbangi ni Osmeña ug ni Gov. Gwendolyn Garcia nunot niining umaabot nga kapaskuhan.
Ang duha wala nay maayong relasyon sukad nga nipalpak ang land-swap deal sa mga luna nga gipanag-iya sa lalawigan dinhi sa dakbayan.
“They won’t get anything out of that…It does not fit with their dignity as our officials,” sumala pa niini ug midugang nga ang panagbangi sa duha ka local officials walay maayo ibunga ug wala say natabang sa ilang pagka-lider.
“Why not sit down together and talk. If they need me, I’m willing to help,” he said, while adding that if the two want it, they could meet “privately,” awhag pa niini apan miklarong wala siya’y planong moboluntaryo sa iyang kaugalingon aron paglikay nga siya mabansagan na usab og “pakialamero.”
Kini human sa pagbansag sa Senate star witness nga si Rodolfo Noel 'Jun' Lozada sa Simbahan nga "Archdiocese of Manila" ug si Vidal gibansagang "kasu" kun "kongresistang nakasutana," ni Leah Navarro sa Black and White Movement.
Kini tungod sa pagsaway sa duha sa kanunay’ng pagbisita ug pagdangop ni Presidente Gloria Macapagal Arroyo sa Kardinal pagpangayo og tambag-espiritwal.
Giklaro ni Vidal nga kung dunay politikong mobisita kaniya kini gumikan kay nangayo sila og spiritual advice ug di usab niya pilion bisan kinsang partido.
Hinuon ang nagkabanging mayor ug gobernador kanunay nang makahimamat ni Vidal sa mga panagtigum panahon nga dunay mga proyektong nalambigit ang simbahan. - BANAT NEWS
- Latest
- Trending
