"Gikamang" sa uyuan

Midangop sa kapolisan sa lungsod sa Cordova ang usa ka 18 anyos nga lalaki  ug mipasangil  nga gemolistiya  siya  sa iyang uyoan samtang kini natulog   sa barangay Alegria lungsod sa Cordova sa milabay'ng hapon.

Gitumbok sa 18 anyos nga pag-umangkon ang uyoan  (mga ngalan gipugngan)   nga nagpuyo ra usab sa panimalay sa biktima.

Base sa imbestigasyon ni PO1 Samson Igot  gisaysay sa 18 anyos nga nakugang siya nga adunay nagkamang sa iyang dughan ug mga pribadong bahin sa  lawas ug sa   iyang pagkalalaki ug sa dihang pagbuka sa iyang mga mata iyang nakita ang iyang uyuan nga mihimo og malaw-ay  ngadto kaniya.

Gumikan niini iyang buot ipabilanggo ang iyang uyoan gumikan kay gihilasan siya sa nahitabo kaniya.