SPO1 Agang ipataktak ni Valmoria
Ipatangtang gyud sa serbisyo ni
Matud pa ni Valmoria ipaubos na unta nilang Absent Without Official Leave (AWOL) si SPO1 Agang kun wala pa motunga niadtong Domingo ug kagahapong adlawa.
Matud pa niya wala siya matagbaw sa pagpasabot ni Agang apan siya miangkong dili madali pagpalagpot ang maong polis ug gikinahanglan nga masubay usab sa due process.
“He will defend himself in a proper forum. We have witness and complaints,” I don't tolerate this kind of behavior. He well suffer the consequences,” asoy pa sa direktor.
Dugang pa niini nga ang maong polis magpadayong naa sa camp restriction samtang mag-atubang pa kini sa imbestigasyon.
Samtang si Agang sa iyang bahin miangkon nga naghupot og armas apan dili kini iyaha.
Giklaro usab niini nga iyang gihuptan ang maong armas gumikan kay wala siya'y holster human usab siya madis-armahi sa miaging tuig.
“Dili man ko hubog pero naka-inom lang,” matud pa ni Agang kinsa nag-atubang na og kaso nga serious neglect of duty, oral defamation and insubordination.
Sa nasayran, si Agang gibadlong niadtong Miyerkules ni Sr. Inspector Crisanto Duque tungod kay kini hubog ug nagbitbit sa iyang pistola nga 45 kaliber atubangan sa gate sa CPPO.
Apan nitubag-tubag kini ug nipakita sa bati nga batasan kang Duque.
Dihang nakadungog nga padis-armahan ni Valmoria nilayat na hinoon sa kural sa CPPO si Agang ug niadto pang Domingo nipakita sa ilang buhatan.
Si Agang gidestino niadto sa Tabuelan police station apan gibutang sa CPPO headquarter human kini aksidenteng nakapabuto sa iyang M-16 armalite sa usa ka buwangan sa maong lungsud ingon man pagpamusil sa usa ka kandidato sa pagka-barangay kapitan tungod usab kay gikatahong hubog kini.
- Latest
- Trending
