Mandaue City College suportado sa PTCA

Nagkahiusa ang mga Parents-Teachers and Community Associations sa dakbayan sa Mandaue sa pagduso sa katukuran sa Mandaue City College.

Una nang niduso og resolusyon ang PTCA Board sa Mandaue City Science High School nga nagsuporta sa maong proyekto ni Mayor Thadeo Ouano.

Ang PTCA sa Mandaue City Comprehensive National High School niduso na usab og petisyon nga gipirmahan sa 1,116 ka mga ginikanan sa mga tinun-an ug mga magtutudlo nga nagsuporta gihapon sa maong proyekto.

Ang maong resolusyon ug petisyon ang giduso na sa PTCA Board ngadto kang Ouano.

Lakip sa gisuportahan sa PTCA Board ang lakang sa pagbalhin sa Mandaue City Science High School ngadto sa luna sa gobyerno nga kasamtangang giabangan sa Norkis Group of Companies nga nahimutang sa atubangang bahin sa Mandaue City Comprehensive National High School main campus.