Gang vs gang usa naangol

Usa ka tinun-an sa kursong Computer Science ang nalandig sa tambalanan human kini ug ang iyang ka-brod sa gang ang kalit nga gipamusil sa gituuhang miyembro usab sa ribal nga gang diha sa eskina sa mga dalan Juan Luna ug Cabahug ning dakbayan kagahapon sa kadlawon.

Milandig sa tambalanan mao si Christopher Blanco, taga Sitio Lomboy Banawa-Guadalupe ning dakbayan kinsa sakop sa Crips gang dihang gidala siya sa kaubang si Joshua Barino, 23.

Sumala pa sa kapolisan kasamtangang nagpaabot sa giorder nga pagkaon ang duruha sa usa ka kan-anan sa maong luagr dihang kalit nga miabot ang unom ka wala mailhing lalaki nga gituuhang mga sakop sa Bloods Gang luwan sa usa ka puti nga multicab pick-up dayong pusil kanila makadaghang higayon.

Hinuon diha ra maigo sa tuong siko si Blanco ug dali usab nga nangikyas ang mga suspek palayo sa lugar, gidala ni Barino si Blanco sa Cebu Doctors Hospital human sa insidente.

Ang Bloods Gang ug Crips Gang susama sa duha ka managribal nga fraternity dinhi sa Sugbo duna say kaugalingong pribadong gubat, kasagaran kanila mga batan-on