Mahigit 500 pulis idedeploy sa Eid’l Fitr
MANILA, Philippines - Nasa mahigit 500 pulis ang nakatakdang ideploy sa selebrasyon ng Eid’l Fitr o ang piyesta sa pagtatapos ng Ramadan ng mga Muslim sa Maynila sa Lunes.
Sinabi ni Supt. Erwin Margarejo, Spokesperson ng Manila Police District (MPD), ang mga pulis ay kanilang ipakakalat sa Quirino grandstand upang tiyakin na magiging mapayapa ang pagdiriwang ng okasyon.
Bukod dito ay ipakakalat rin ang Special Reaction Unit (SRU) sa lugar habang may itatalaga ring Advance Command Post at karagdagang traffic personnels para tiyakin ang maayos na daloy ng trapiko.
Ang Ramadan ay isang importanteng selebrasyon at pagtitipon ng mga Muslim bilang tanda ng pagtatapos ng isang buwang Ramadan na tradisyunal na inoobserbahan ng mga Muslim.
Una nang nagdeklara ng public holiday si Pangulong Rodrigo Duterte sa panahon ng “Pagwawakas ng Ramadan “ o Eid-al-Fitr na siya ring pagtatapos ng pag-aayuno ng mga Muslim.
- Latest