EO alang sa Juvenile Justice Program
CEBU, Philippines - Niluwat og Executive Order (EO) si Gobernador Hilario Davide III alang sa katukuran sa project management team sa pag-implementar sa localized Comprehensive National Juvenile Justice Intervention Program.
Base sa EO No. 19 nga ang Juvenile Justice and Welfare Council (JJWC) nga inter-agency council naumol ubos sa R.A 9344 ug giamendar sa R.A 10630.
Ang JJWC maoy lead agency nga adunay mandato aron masiguro nga mahimong epektibo ang implementasyon sa 3-5 ka tuig nga Comprehensive Local Juvenile Justice Intervention Program (CLJJIP).
Aron ma-comply ang nahisgutang mandato, ang localization sa Comprehensive National Juvenile Intervention Program (CNJIP) kinahanglan mag-develop sa pag-facilitate og inter-agency collaboration tali sa JJWC, Department of Interior and Local Government ug sa probinsiya.
Ang probinsiya sa Sugbo maoy pilot local government unit sa pag-implementar sa CNJIP hinungdan nga kinahanglang mag-umol og Local Project Management Team nga mag-formulate sa mga plano ug programa alang sa full implementation. (BANAT NEWS)
- Latest