Pinas magiging ‘top executioner’
MANILA, Philippines – Posibleng magiging “top executioner” sa buong mundo ang Pilipinas kapalit ng mga bansang China, Iran at Pakistan dahil sa “death wish” ni Pangulong Rodrigo Duterte.
Ito ang nakikitang scenario ni Deputy minority leader at Buhay partylist Lito Atienza dahil nais ni Pangulong Duterte na magsagawa ng pagbitay limang beses kada araw o mahigit dalawang libo kada taon sa sandaling mapagtibay na ang panukalang magbabalik ng parusang kamatayan.
Nagbabala si Atienza na masasadlak ang bansa sa kadiliman sa kabila ng karamihan sa mga Pinoy ay Katoliko.
Kaya muli nitong kinondena ng kongresista ang planong pagbuhay sa death penalty na umanoy taliwas sa katangian ng mga Pilipino na may pagpapahalaga sa buhay.
Sa pagbabalik ng sesyon ng kongreso sa Enero 16 ay isasalang na sa debate sa plenaryo ng Kamara ang death penalty bill.
- Latest