Depende sa rason

CEBU, Philippines – Giklaro ni Jennylyn Mercado nga depende ra gyud sa rason sa breakup ang basehanan kung angayan ba tagdon o dili ang kanhi hinigugma. Nasayran nga suod ni Jen ang ex-boyfriend niya nga si Mark Herras apan dili sila magtagad sa laing kanhi niya hinigugma nga si Patrick Garcia.

JK sa MMK

Ang “The Voice Kids Philippines” second runner-up nga si Juan Karlos “JK” Labajo maoy modala sa kaugalingon niya nga istorya sa kinabuhi sa “Maalaala Mo Kaya” karong Sabado, September 27.  Ipamatuod ni JK nga duna na siya’y ikabuga sa pag-arte gumikan kay mapuno sa emosyonal nga mga eksena ang maong episode.

Zanjoe nagselos

Gikatahong nagselos si Zanjoe Marudo sa kissing scene nila ni Bea Alonzo ug Paulo Avelino sa seryeng  Sana Bukas Pa Ang Kahapon sa ABS-CBN. Wala masunod ang gipadayag ni Zanjoe niadto nga dili gyud siya magselos gumikan kay nakasabot siya sa trabaho sa iyang girlfriend.

Pinangga ang anak

Nitambong si Dennis Trillo sa birthday party sa ilang anak ni Carlene Aguilar nga si Calix Andreas sa miaging adlaw. Suma pa ni Dennis nga dili niya pakyason ang maong espesyal nga okasyon bisan pa man nga puno ang iyang schedule niadtong higayona.

Nausab ang baruganan

Dili uyon si Cherry Pie Picache kaniadto sa death penalty apan nausab na ang iyang panglantaw niini sukad gipatay ang iyang inahan sa wala mailhing mga tawo.

Bridal shower sa HK

Nitikang na si Marian Rivera didto sa Hongkong alang sa iyang bridal shower. Gawas sa iyang mga higala, gipauban usab niya ang inahan ug apohan.

Maglisod og tulog

Giangkon ni Toni Gonzaga nga maglisod na siya og tulog gumikan sa paghinam-hinam sa umaabot niya nga major concert karong October 3 sa Mall of Asia Arena.”Hindi ko na alam kung paano ako makakatulog. Ang dami ko nang mga pinapakinggan na pampatulog. Ngayon lang ako hindi makatulog nang ganito. Parang gusto kong mag-last song na,” tsika pa ni Toni ngadto sa ABS-CBN News.

Piolo Torpe

Giingong igo ra gyud sa pagpa-cute si Piolo Pascual ngadto kang Shaina Magdayao ug matud pa wala gyud kini makapadayag sa iyang pagbati ngadto sa aktres. Giingong nalingaw na lang ang duha sa ilang panaghigalaay.

Charice mobalik sa Oprah

Molugwa pagbalik si Charice sa programang Oprah sunod buwan alang sa usa ka espesyal nga episode. Giingong kumustahon sa maong programa ang kasamtangang istado sa mga nangagi nila nga guest nga nimarka pag-ayo sa huna-huna sa viewers.

Giuswag ang plano

Nalangan ang plano nila ni Drew Arellano ug Iya Villania nga makabaton og anak. Target sa duha nga makaanak karong 2016. Gilingaw una sa duha ang kinabuhing magtiayon.

Kapoy nga lingaw

Giangkon ni Heart Evangelista nga kapoy ang pagpangandam sa umaabot nga kasal nila ni Sen. Chiz Escudero apan na-enjoy ra siya niini sanglit espesyal man kaniya ang maong okasyon.

Nora mibilib kang Ryzza

Nakadayeg si Nora Aunor kang Ryzza Mae Dizon sa dihang naka-guest siya sa TV show sa maong child star. Suma pa ni Nora nga dali ra gyud kaayo makahulma og komedya si Ryzza busa bilib siya sa maong bata.

Nasuko gihapon?

Gibalibaran ni Angelica Panganiban ang pelikula kung diin makauban unta niya ang iyang ex-boyfriend nga si Derek Ramsay. Wala hinuon mohatag og lapad nga rason ang aktres kalabot sa iyang hukom.  

Andi  dili makapasaylo kang Jake

Giangkon   ni Andi Eigenmann nga nasakitan siya pag-ayo sa dihang nakakita siya sa  hulagway ni  Jake Ejercito nga dunay kahalok nga laing babaye sulod sa bar. Nagkaistoryahanay na sila kalabot niini apan maglisod pa siya og pasaylo ngadto kang Jake.

"I would really love to forgive. It's just that I'm not ready," suma pa ni Andi. Matud pa sa aktres nga dili pa ang saktong panahon aron sila mag-uli apan wala niya sirad-i ang iyang kasing-kasing sa posible nila nga panagbalik.

Blood Ransom ipasalida sa Pilipinas

Malipayon gipahibalo ni Anne Curtis pinaagi sa iyang Instagram  nga ipasalida karong October 29 dinhi sa Pilipinas ang iyang first international indie film nga  “Blood Ransom”.

“Something to look forward to next month! My very first international indie film. I actually auditioned to get this part and got to experience filming in the States! So excited to see how it turned out! Yaaaaahoooooo,” suma pa ni Anne.

Kahinumduman nga gigama niadtong 2012 ang maong proyekto.

Bench Fashion Show gisaway

Wala mahimuot ang kanhi  Gabriela Women's Party-list representative Liza Maza sa bag-ohay lang nga The Naked Truth- Bench Fashion Show.

Gihulagway niya nga  "dehumanizing portrayal of women" ang pipila ka bahin sa maong show.

"At the Naked Truth Bench show - Bench should be held accountable for this degrading and dehumanizing portrayal of women and should apologize," mensahe pa ni Maza nga iyang gi-post sa  Facebook.

Partikular nga gisaway ni Maza ang segment kung diin nirampa si Coco Martin nga nagguroy sa babaye nga dunay higot.

Samtang ang blog nga  Plump Pinay misaway usab sa maong parti sa fashion show ug gitawag kini og "crossing the line." "Everything about this photo makes my blood boil. I get it, Bench wants to join the kinky bandwagon and have a little S&M stint. But this is crossing the line. This is so demeaning," tipik sa maong blog.

John Prats nilayas na sa ABS-CBN?

Nilayas na matud pa si John Prats sa ABS-CBN, gumikan kay  adto na siya magtikawkaw sa nataran sa GMA7. Una niini, gikatahong nasigpatan sa nilabay nga mga adlaw ang manager ni John nga si Arnold Vegafria sa nataran sa GMA7 alang sa negosasyon sa pagbalhin ni John.

Dungan usab niini ang salabtunon nga IG post ni John nga nagkanayon: I will see you na Miss Isabel Oli.

Si Isabel, talent sa GMA7, apan bag-ohay lamang nga nilugwa sa mga salida sa ABS-CBN human usab natapos ang iyang kontrata sa Kapuso network.

Sa nilabay nga mga adlaw, may mga blind item nga nagkanayon nga usa ka Kapamilya star nga maayo kaayong musayaw, ang gipaabot nga adto na sa GMA7 makit-an karong pipila ka mga adlaw.

Nagtuo ang mga himantayon nga si Rayver Cruz ang gipasabot sa maong blind item.

Samtang usa ka listahan sa “roster of talents” matud pa sa ABS-CBN ang gimantala sa www.getitfromboy.net  sa matud pa, mga artista nga bag-o, nibalik, ni-renew, nilayas ug gikatahong mubalik.

Ania ang listahan:

Newbie: Raikko Mateo; Jana Agoncillo; Darryl Shy; Lani Misalucha; Klarisse de Guzman; Yesha Camille; Juan Karlos Labajo; Axel Torres; Manolo Pedrosa; Lyca Gairarod; Maris Racal; Vickie Rushton; Fourth Pagotan; Fifth Pagotan; Nichole Barranda; Aina Solano; Joshua Garcia; Loisa Andalio

Returned: Dina Bonnevie; John ‘Sweet’ Lapus; Nathan Lopez; Sunshine Cruz; Doris Bigornia; Alex Gonzaga; Cherie Gil; Amalia Fuentes; Vivian Velez; Lea Salonga; Amy Perez; Roderick Paulate; Isabel Oli; Victor Neri; Bernard Palanca; JM de Guzman; Joshua Dionisio; Eric Quizon; Lilet; James Reid

Renewed: Sarah Geronimo; Cristine Reyes; Kathryn Bernardo; Luis Manzano; Andrea Brillantes; Jason Abalos; Diether Ocampo; Zanjoe Marudo; Julia Barretto; Carlo Aquino; Jayson Gainza; Gary Valenciano; Judy Ann Santos; Korina Sanchez; Kris Aquino; Kathryn Bernardo, Daniel Padilla, Enrique Gil; Julia Montes; Janice de Belen; Jericho Rosales; Richard Yap; Vhong Navarro; KC Concepcion; Anne Curtis; Bea Alonzo; Kim Chiu; Gerald Anderson; Piolo Pascual; Erich Gonzales; Maja Salvador; Shaina Magdayao; Sam Milby; Xian Lim; Denise Laurel; Angelica Panganiban; Jodi Sta.Maria; Janella Salvador; Joseph Marco; Pokwang; Billy Crawford

Transferred to ABS-CBN: Iza Calzado; Diana Zubiri; Meg Imperial; Eddie Garcia; Benjie Paras; Moi Bien; Shy Carlos; Yam Concepcion; Ynna Asistio; Morissette Amon; JC De Vera; Ellen Adarna; Daniel Matsunaga; Nadine Lustre

Left ABS-CBN: Lorna Tolentino; Charee Pineda; Valerie Concepcion; Martin del Rosario; Mariel Pamintuan; Coney Reyes; Manilyn Reynes; Richard Gomez; K Brosas; Sheryl Cruz; Kiko Estrada; Eula Valdez; Gina Pareno; Carlos Agassi; John Prats

Rumored to Leave: Jewel Mische

Rumored to Return: Claudine Barretto; Ruffa Gutierrez; Janelle Manahan; Jolina Magdangal; Bela Padilla; Jean Garcia; Willie Revillame; Cesar Montano; Sharon Cuneta; Aga Muhlach; Edu Manzano

Rumored to Transfer: Jennica Garcia; Jean Garcia; Jay-R; Kyla; Polo Ravales; Danita Paner; Aljur Abrenica; Maxene Magalona; Bea Binene