Donaire midesisyon ni Hernandez
CEBU, Philippines — Impresibo ang pagbalik ni kanhi Pinoy world champion Nonito 'The Filipino Flash' Donaire ibabaw sa ring human niya gikulata si Mexican Ruben Garcia Hernandez paingun sa unanimous decision nga kadaugan kagahapon didto sa Texas.
Si Donaire kinsa misaka sa ring human sa 10 ka buwan nga pagpahuway midominar sa scorecards, 100-90, 97-93, 99-91. Katapusan siyang miaway niadtong Nobiyembre diin nahanaw kaniya iyang WBO super bantamweight title batok ni Jessie Magdaleno.
Si Donaire kinsa moaway na sa featherweight division mao usab ang bag-ong WBC silver champion nga mibukas sa kahigayunan kaniya sa posibleng world title shot.
Si Donaire mipalambo sa iyang record sa 38-4, 24KOs, samtang si Hernandez nakatilaw sa ikatulo niyang pilde sud sa 26 ka away. (FREEMAN)
- Latest
