Mayor Osmeña: Ayaw lang pasakop
CEBU, Philippines — Mipahimangno si Cebu City Mayor Tomas Osmeña sa publiko ingon man sa mga establishment owners nga motuman gyud sa liquor ug entertainment ban nga i-implimentar sa siyudad aron di sila mag-atubang og kaso.
Ubos sa Executive Order nga gipagawas sa mayor gidili ang pagpamaligya og ilimong makahubog sulod o gawas sa establisemento ilabi na kon nasulod sa 300-meter radius sa rota sa Sinulog karong Enero 12, adlaw’ng Domingo gikan sa alas 6 sa buntag hangtod na sa alas 6 sa buntag sa Enero 22.
Gani bawal usab ang mga kalingawan ug inom sa Enero 19, 20 ug 21 sab, sulod gihapon sa 300-meter radius sa rota sa Solemn Procession ug Sinulog Grand Parade.
Giangkon sa mayor nga wala’y igong tawo aron modakop ug mo-monitor ang tanan apan siya mipasidaan nga dili lang gyud magpasakop kay dili sab siya magpanuko sa pagpahamtang og silot.
Gitataw niini, dili exempted ang mga restaurants, hotels, foreigners, room services sa liquor ban dungan sa pag-ingon nga ang 300-meters radius sulod sa rota sa Sinulog “kill-zone.”
Kon adunay makit-an nga makalapas niini mahimo kining ipahibawo kang Osmeña pinaagi sa pagpadala og mensahe o kaha i-report kini sa mga tinugyanan sa balaod.
“Close, close for one month, close for one year, close forever. It depends on the severity of the violation, if it’s clear abuse and defiance it will be close forever they have to sell the hotel to somebody else. We have to run this City by rules, and if you think its too much go to Mandaue, go to Talisay not here. Warning to everybody I’m a crazy guy,” asoy ni Osmeña. (BANAT NEWS)
- Latest
