Ejercito uyon mosakay sa public transport

CEBU, Philippines - Pabor si Senador Joseph Victor “JV” Ejercito sa gitinguha sa usa ka magbabalaud nga pasakyon ang mga opisyal sa gobyerno og pangpublikong sakyanan ka usa matag buwan.

Walay nakita nga problema ang senador sanglit nakasuway na siya niini.

Matud ni Ejercito nga higayon kini alang sa mga opisyal sa gobiyerno nga makakita sa tinud-anay nga sitwasyon sa transportation system sa nasud.

“That’s a good idea so that public officials can see the real state, the real situation of the land transportation system in our country,” matud ni Ejercito.

Si Angat Tayo Party-List Representative Neil Abayon ang nisang-at sa House Bill 6195 nga nagmando sa mga pinili ug tinudlo nga opisyal nga adunay ranggo sama sa division chief ngadto sa department secretary nga mosakay og public land transportation gikan ug padulong sa trabaho ug   alang sa mga official business bisan ka usa matag buwan.

Si Ejercito kinsa nitambong sa Federalism Forum sa Kapitolyo kagahapon nagkanayon nga suportado niya ang railway system sa Sugbo, bisan Bus Rapid Transit o Light Railway Transit System.

Matud niya nga dugay ra niya giduso ang railway system sa nasud ug nagkanayon nga, “railway system can be the backbone of the economy of every country.”  (BANAT NEWS)