Rob gang nga nangigo sa CDO nia sa Sugbo

CEBU, Philippines- Gibutyag sa kapolisan sa dakbayan sa Sugbo nga duna silay gi-monitor nga robbery group nga nakabiktima sa usa ka mall sa dakbayan sa Cagayan de Oro City nga ania karon nagpabugnaw sa Sugbo.

Si Senior Superintendent Noli Romana ang hepe sa Cebu City Police Office (CCPO) miingon nga base sa impormasyon nga ilang nakuha dunay mga miyembro sa maong grupo nga nasigpatan dinhi sa Sugbo.

Giingong dala sa grupo ang ilang mga kinawat nga alahas gikan sa Cagayan de Oro City nga subay sa ilang impormasyon lanayon kini ug himoong laing porma nga alahas aron ilang mabaligya.

“Some of their members accordingly naa sa Cebu City para baguhin ang jewelry, because they already need cash,” matud pa ni Romana.

Dugang pa sa hepe sa CCPO nga duna na sila’y mga sakyanan nga gipanid-an nga posibleng maoy gigamit sa maong grupo nga ilang service sa paglaroy-laroy sa Sugbo

Niadtong nakalabay nga semana, ang maong grupo mitulis sa usa ka jewelry store sa Cagayan de Oro City ug nadala ang balor P2 ka milyones nga kantidad sa alahas.  - /EIM) (BANAT NEWS)