Krimen sa probinsiya sa sugbo nikunhod
CEBU, Philippines — Dunay pagkunhod sa krimen sa Probinsiya sa Sugbo suma pa ni Police Lt. Col. Mark Gifter Sucalit, Deputy City Director for Operations sa Cebu Police Provincial Office(CPPO).
Matud ni Sucalit nga subay na sa tinguha sa Cebu Police Provincial Police nga ma-mentinar ang kahapsay ug kalinaw sa Probinsiya, gawas sa police visibility, foot ug mobile patrol ingon man checkpoints nakita nila nga ang subsob nga pagpahigayon sa kampaniya batok sa tanang matang sa kreminalidad nakatabang peace and order sa dakbayan.
Gikan sa Pebrero 19 hangtud sa 25 ang focus crimes sa Probinsiya sama sa homicide, murder, physical injury, rape, robbery, theft, carnapping ug motrocyclenapping 18 ra ka insidente ang natala; sa Pebrero 26 hangtud sa Marso 4 nakatala ang CPPO og 19 ka insidente.
Gihulagway ni Sucalit nga menus kini itandi sa Pebrero 12 hangtud sa 18 nga niabot og 24 ka insidente.
Sa anti-illegal drugs operation sa CPPO gikan sa Pebrero 27 hangtud sa Marso 5 nakapahigayon sila og 31 ka operasyon nga miresulta sa pagkasikop sa 39 ka drug pushers ug moabot sa 85 grams sa shabu ang nakompiskar nga gibana-banang mobalor og dul-an P600,000.
Nakapahigayon sab sila og 73 ka operations batok wanted persons diin napulo ka Most Wanted Persons ug 63 ka laing mga wanted persons ang nadakpan sa kapolisan.
Sa loose firearms operation ang CPPO nakahimo og 50 ka operations diin unom ang nadakpan ug 47 ka armas nga pulos powered firearms ang nasakmit ug unom ang napasakaan og kaso.
Sa kampanya batok illegal gambling ang kapolisan sa Probinsiya sa Sugbo nakasikop og 57 ka personalidad sa 30 ka operasyon nga ilang nahimo.
Sagad sa krimen nga motumaw sa Probinsiya sa Sugbo mao ang pagpangawat, physical injury ug pagpanulis. (BANATNEWS)
- Latest
