Suklam (45)

“SINONG lalaki?’’ tanong ni Brent na nagkukunwaring ino­sente kahit alam niya ang nangyayari kina Vivian at Oskar.

“Baka sabihin mo kung kanino…’’

“Hindi. Sino ang lalaki?’’

“Si Oskar.’’

“Oskar?’’

“’Yung nasa quality control.’’

“A, oo.’’

“Kilala mo na?’’

“Oo.’’

“Magsasama na raw ang dalawa.’’

“Paano ang asawa ni Vivian—si Sir Julio?’’

“Kilala mo ang asawa ni Mam Vivian?’’

“Oo.’’

“Paano mo nakilala?’’

“Pag Sabado narito ‘yun.’’

“Hindi ko alam. Wala kasi ako kapag Saturday dito.’’

“Narito lagi siya ka­pag Sabado. Mabait siya.’’

“Kawawa naman ano?’’

“Alam na ba ni Julio?’’

“Hindi ko alam. Pero siguro alam na niya dahil tatlong araw nang ‘di pumapasok si Mam Vivian.’’

“Ba’t kaya nagawa ni Vivian ‘yun kay Julio?’’

“Hindi natin alam. Basta huwag ka nang maingay, Brent.’’

“Sa palagay mo iiwan ni Vivian ang asawa at sasama kay Oskar?’’

“Parang ganun. Lalayo yata ang dalawa.’’

“Puwede siyang kasuhan ng pakikiapid ni Julio.’’

“Nagulo ang buhay ano?”

Itutuloy