Suklam (20)
Ano kaya ang sasabihin sa kanya ni Vivian, tanong sa sarili ni Brent nang makitang patungo ito sa kanyang puwesto. Mukhang mahalaga ang sasabihin dahil nagmamadali.“Hi Brent.’’
“O Vivian, anong balita?’’
“Wala naman. Pinakukumusta ka lang ni July.’’
Inisip pa ni Brent kung sino si July—si Sir Julio nga pala yun.
“A pakikumusta mo rin ako sa kanya Vivian.’’
“Sasabihin ko.’’
“Bakit hindi mo yata siya kasama ngayon?’’
“Nasa abroad kasama ni Congressman. Mga limang araw daw sa Japan. Kaaalis lang nila kaninang madaling araw.’’
“Ah kaya pala hindi mo siya kasama. E ang anak mo?’’
“Nasa sister ko. Dadaanan ko siya paglabas ko rito.’’
“Bakit di ka sinama ni Sir Julio sa Japan. Maganda raw ngayon dun may snow.’’
“Naku mahina ako sa lamig. Mas gusto ko rito. Isa pa may trabaho ako. Mahirap iwanan ang trabaho.’’
“Sabagay.’’
“Kaya ako naatrasado sa pagpasok ngayon,’’ sabi pa ni Vivian na parang nagpapaliwanag kahit hindi naman niya itinatanong.
“Ah oo.’’
“Sige Brent. Pinakukumusta ka lang ni July kaya ako lumapit sa’yo.’’
“Salamat, sabihin mo kay Sir Julio. Ang bait ng hubby mo Vivian.’’
Ngumiti lang si Vivian.
“Sige Brent,’’ sabi nito at umalis.
Napagmasdan niya habang nakatalikod si Vivian—sexy ito—kaya siguro patay na patay din si Oscar at hindi makabitaw. (Itutuloy)
- Latest
