Suklam (17)
Inalis ni Brent ang lumang TV sa kinapapatungan na steel rack at doon ipinatong ang bagong biling flat screen TV.
“Aba parang isinukat sa lalagyan ah!’’ sabi ni Brent.
“Oo nga, Brent, ha-ha-ha!’’
“Hindi naman babagsak ‘to di ba ‘Tay?’’
“Oo. Matibay yan.’’
Isinaksak ni Brent ang kordon ng TV sa outlet. Binuksan gamit ang remote.
“Ang linaw!’’
“Hindi ka na aantukin, ‘Tay!’’
“Oo nga, ha-ha-ha!’’
Inilipat ni Brent sa news channel.
“Ayan ‘Tay, makakapanood ka na ng balita na malinaw na malinaw—pati mga lumang pelikula ni FPJ at Daboy masisiyahan ka dahil clear na clear.’’
“Oo nga, Brent. Salamat anak ha?’’
“Okey lang ‘yan ‘Tay. Sa sunod, washing machine na automatic ang ibibili ko sa’yo. Para hindi ka nahihirapan sa paglalaba.’’
“Okey pa naman ang washing natin, mas mahalaga sa akin ang TV, ha-ha-ha!’’
“Pero ibibili pa rin kita, ‘Tay.’’
“Sige. Teka kumain ka na muna. Ipaghahain kita.’’
“Huwag na ‘Tay. Ipagpatuloy mo ang panonood.
“Sige. Nasa kaserola ang ulam—paksiw na GG at ginisang monggo na may dahon ng ampalaya.’’
“Ang sarap nun, ‘Tay. Sige kakain na ako.’’
Naghain si Brent at nagsimulang kumain.
Nagpatuloy sa panonood ng TV ang kanyang ama. Sa susunod, washing machine ang bibilhin niya at saka gas range.
(Itutuloy)
- Latest
