BPOs gilaumang mo usbong sa mosunod nga buwan
CEBU, Philippines — Gipanglantawan sa Department of Labor and Employment (DOLE) ang subling pag-usbong sa business process outsourcing industry dinhi sa nasud sa mosunod nga mga buwan ug gilaumang liboan ang makatrabaho niini.
Si DOLE Secretary Silvestre Bello III nipadayag nga ang western mapugos kini sa pag-offshore og mga trabaho sa industriya tungod sa covid-19 pandemic ug sa sunod-sunod nga global recession.
Ang mga lugar sa Pilipinas nga makapahimulos niini mao ang Clark, Cebu ug Metro Manila.
Giingong ang mga opisyal sa IT-BPO industry nibutyag nga bisan pa sa pandemic ang industriya padayon kini sa paghatag og oportunidad sa trabaho.
“We received information that some big companies have already given notice for their requirements, one of which needing at least 4,000 seats to be filled up before September”, matud ni Bello. Ang maong gipadayag ni Bello gikompirma kini ni Rey Untal, presidente ug chief executive officer sa IT Business Process Association of the Philippines (IBPAP) kinsa nagkanayon nga ang mga kompaniya padayong nag-hire og mga empleyado. Gikan sa The Freeman/BDB
- Latest
