Senior citizen sa Carmen makadawat og dugang benepisyo
CEBU, Philippines — Gihatagan og dugang benepisyo sa lokal nga kagamhanan sa Lungsod sa Carmen ang mga senior citizen sa lungsod.
Ubos sa Ordinance No. 053 series of 2023, ang mga senior citizen sa Lungsod sa Carmen nga nag-edad og 70-anyos ngadto sa 100-anyos mahatagan og financial benefit gikan sa munisipyo.
Kinahanglan nga rehistrado kini sa Office of the Senior Citizens Affairs (OSCA) ug adunay certification gikan sa barangay kapitan diin kini nagpuyo.
Ubos sa lokal nga balaod sa Lungsod sa Carmen ang mga nag-edad og 70-anyos ngadto sa 74-anyos makadawat og P2,000; ang 75-anyos ngadto sa 79-anyos adunay P3,000 nga tabang pinansyal; ang 80-anyos ngadto sa 84-anyos makadawat og P5,000; ang 85-anyos ngadto sa 89-anyos makadawat og P7, 000; ang 90-anyos ngadto sa 94 –anyosP10,000 ang madawat; ang 95-anyos ngadto sa 99-anyos P15, 000 ang grant samtang ang 100-anyos na pataas, makadawat og P50,000. Ang maong balaod unang gipatuman niadtong Disyembre 2023 human kini giaprobahan sa konseho sa lungsod niadtong Marso 23, 2023. BDB BANAT NEWS
- Latest
