Excise tax sa LPG, kerosene sinuspinde ni Marcos
MANILA, Philippines — Sinuspinde ni Pangulong Ferdinand Marcos Jr. ang “excise tax” sa liquified petroleum gas (LPG) at sa kerosene sa gitna ng patuloy na pagtaas ng presyo ng krudo sa pandaigdigang merkado.
Sa ilalim ng Executive Order (EO) No. 125 na nilabas ng Pangulo, bagama’t sinuspinde ang excise tax sa LPG at kerosene, may ilang partikular na hindi kasama sa paggamit ng mga ito.
“Temporarilty Suspending the Excise Taxes on Specific Petroleum Products pursuant to Section 148 of Republic Act No. 8424 or the National Internal Revenue Code of 1997, as amended,” nakasaad sa EO 125.
Ayon sa kautusan, ganap na sinuspinde ang excise tax sa LPG, maliban kung ginagamit ito bilang hilaw na materyales sa paggawa ng mga produktong petrochemical o bilang panggatong sa mga sasakayang de motor.
Suspendido rin ang execise tax sa kerosene maliban kung ginagamit ito bilang aviation fuel o panggatong para sa mga sasakyang panghimpapawid.
Ang hakbang ay isinagawa kasunod ng rekomendasyon ng Development Budget Coordination Committee o DBCC.
Ang kautusan ay inilabas matapos na sertipikahan ng Department of Energy (DOE) na ang average na presyo ng Dubai crude oil, base sa Mean of Platts Singapore (MOPS) sa nakalipas na 30-araw ay umabot sa U499.41 kada bariles.
- Latest
