^

PSN Showbiz

Michelle mi-back out sa MGI All Stars

Sanden J. Anadia - Banat

CEBU, Philippines — Miatras na ang beauty queen nga si Michelle Dee isip kandidata  sa ikaduhang edisyon sa Miss Grand International (MGI) All Stars gumikan sa kakulian sa panglawas.

Bisan pa niini, gibutyag  sa mga nagdumala sa maong indigay  nga magpabilin gihapon ang iyang pangalan sa voting activity aron makapadayon ang iyang fans sa pagpakita sa suporta ug paghatag kaniya og pagdasig samtang nagpaayo.

Kahinumdoman nga niadtong  Nobiyembre 9, nalandig sa tambalanan  si Michelle human nakasinati og grabeng kasakit  sa iyang tiyan. Tungod sa iyang kondisyon, gipaubos  siya sa emergency appendectomy . Gimandoan siya sa iyang doktor nga ipahulay og sakto ang iyang lawas , aron malikayan ang posibleng komplikasyon sa umaabot.

Enchong ug Barbie, magpares

Magpares sila Barbie Forteza ug Enchong Dee sa “A Perfect Christmas,” usa sa mga episode sa umaabot nga Filipino Christmas anthology series nga “Paskong Pinoy” nga ipasalida sa Netflix.Atol sa ilang guesting  sa programang “Unang Hirit” kagahapon , gibutyag  ni Barbie nga ang  ilang episode kay nagtangag sa  istorya sa duha ka magkauban sa opisina nga kanunay magbanggaay nga sama sa iring ug iro.

Star Magical Christmas 2026

Libre nga makita sa pinaagi sa Star Magic YouTube channel ug iWant  ang  Star Magical Christmas 2026: Liwanag ng Pasko karong Nobiyembre 26, alas 6 sa gabii.Lakip sa Kapamilya artists nga nisalmot sa maong  kalihokan kay sila Janine Gutierrez kauban si Jericho Rosales, Lovi Poe, Belle Mariano, Joshua Garcia, Maris Racal, Donny Pangilinan, BINI, Jessy Mendiola kauban si Luis Manzano, JM Ibarra, Fyang Smith, Gerald Anderson, Francine Diaz, Seth Fedelin, Alexa Ilacad,  BGYO ug uban pa.

Mitan-aw sa BTS concert

Naa sa ilang fangirl moment ang pipila ka miyembro sa P-pop girl group nga BINI human nitan-aw  sa bag-ohay lang nga concert sa K-pop group  nga BTS didto sa  Kaohsiung, Taiwan.Base sa hulagway nga gipakita sa BINI , nag-uban sa pqgtan-aw sa maong konsyerto kay sila Colet, Aiah, Stacey, Mikha ug Sheena .Kabahin ang maong concert sa comeback world tour sa BTS nga gitawag og “Arirang” nga nagtimaan sa ilang pagbalik sa entablado isip grupo.

Willie, Randy ug John, subling mag-uban

Mag-uban  pag-usab sa usa ka proyekto karong Disyembre ang suod nga managhigala nga sila Willie Revillame, Randy Santiago ug John Estrada.

Puwerting lipaya sa ilang fans nga dugay nang nangandoy nga makita silang magkauban pag-usab sa usa ka proyekto ug wala pa gibutyag ang kinatibuk-ang detalye niini.

Kahinumdoman nga puwerting sikata ang  programa nila kaniadto nga Magandang Tanghali Bayan (MTB) sa ABS-CBN.

Nameless Kids, mo-perform sa Bangkok Music city 2027

Nalakip  ang Filipino alternative band nga Nameless Kids sa mga mo-perform  sa Bangkok Music City 2027 nga mahitabo  karong Enero 30 ug 31, 2027, didto sa Charoenkrung Creative District sa Bangkok, Thailand.

Sila ang morepresentar sa Pilipinas kauban ang Ben&Ben, sa maong international music festival nga tambongan  usab sa nagkalain-laing artista ug banda gikan sa ubang nasud.

Lakip sa international performers nga molugwa   sa maong kalihokan mao ang KIKI, LOMOSONIC, BØL, Chivan, Chloe Parché, Crazy Wowow!!, Dept, Doona, Eddie and the Bricks, HOA, KyoYoko, MEMI, Natsudaidai, Rum Jungle, Sio ug Tamil Jazz Collective, ug uban pa.

Ang Bangkok Music City kay nahimong usa sa mga nag-unang music conference ug showcase festival sa Southeast Asia. Sa nilabay  nga mga tuig, nakahatag kini og oportunidad sa mga Filipino artist sama sa Pedicab, ONE CLICK STRAIGHT, bird., PLAYERTWO, August Wahh , Delinquent Society, Muri ug Tarsius nga mapaila ang ilang musika sa international scene . 

Tonada sa 2000s r&b, gibanhaw sa BGYO

Gibanhaw sa BGYO ang huni sa  2000s R&B pinaagi sa ilang bag-ong single nga “Candlelit,” nga adunay bag-ong timpla sa  musical arrangement ug mensahe mahitungod   sa matinud-anong gugma.

Gisulat mismo sa mga miyembro sa BGYO nga sila Gelo, Akira, JL ug Mikki ang maong awit, kauban nila sila Brandon Rogers, JJ Adrian, Jintae Ko ug Trisha Denise.

Gilusad  ang “Candlelit” isip three-track single pack nga naglangkob sa original, English ug instrumental versions niini. Miabot ang bag-ong single human sa sunod-sunod nga kalamposan sa BGYO, lakip na ang ilang pagrepresentar sa Pilipinas sa D.U.N.K. music festival sa Japan ug ang pag-release  sa ilang “On Demand” EP nga adunay mga awit nga  “Fresh” ug “Forever Tonight.”

Madungog  ang “Candlelit” sa nagkadaiyang digital music streaming platforms.

MICHELLE DEE

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with