Bree, mipaila sa iyang debut ep

CEBU, Philippines — Gi-release na sa rising singer-songwriter nga si Bree Pizarras ang iyang iyang debut extended play (EP) nga nag-ulohan  og “Kamusta.”

Gidumala kini sa DNA Music, usa ka record label sa ABS-CBN, ug aduna kini  lima ka  kanta  nga  naglangkob sa “Now Na”, “Kamusta”, “Kislap”, “Kailan Kaya?” ug “Feels Like Forever”.

“As cliche as it may sound, this was my way of making kamusta to myself. Because I remember thinking na gusto ko na lang maging okay! As a yearner and an overthinker, I just had to write about everything in my head,” niya pa.

Ang mga unod sa “Kamusta” EP kay madungog na sa nagkalainlaing music streaming platforms.

Kelvin, Angel ug Kokoy sa  “Barangay Love Stories”

Sila Kelvin Miranda, Angel Guardian ug Kokoy de Santos ang mga bida sa episode sa  “Barangay Love Stories”  ni Papa Dudut karong alas 4 sa hapon sa GMA Network.

  Kauban usab nila sa maong episode sila Ashley Rivera, Pekto Nacua ug Rubi Rubi.

Magbitbit kini sa  istoryang puno sa gugma, tinago ug wala damhang mga rebelasyon.

Ikaduhang Gabii sa Lany concert sa Cebu,  gikanselar

Gikanselar  ang ikaduhang gabii nga concert sa American pop-rock duo nga LANY sa Sugbo niadtong Nobyembre 12 tungod  kakulian sa ceiling system sa venue .

Suma pa  sa bokalista sa LANY nga si Paul Klein, nasayran niya ang problema samtang padulong na unta sila sa venue .

Sa iyang Instagram Story, gibutyag ni Paul nga  subo palandungon ang pagkanselar sa ilang konsyerto apan  dili usab siya gusto nga mabutang sa peligro ang ilang fans.

"I love Cebu, I love the Philippines, and I love and deeply appreciate every single one of our fans. I wouldn't be able to live with myself if someone was seriously injured at one of our shows. We will always be coming back, and I hope to see every single one of you next time,” saysay pa ni Paul.

Samtang si Cebu City  Mayor Nestor Archival nibutyag nga  sa inisyal nga pagsusi sa Office of the Building Official (OBO), Cebu City Disaster Risk Reduction and Management Office (CCDRRMO), ug Bureau of Fire Protection (BFP) , nagpunting sa usa ka bahin sa ceiling system sa arena nga nanginahanglan og dugang technical assessment .

“Public safety remains our foremost priority. We thank everyone for their understanding and cooperation,” suma pa sa mayor .

Samtang sa statement sa tagdumala  sa venue , gitataw   niini nga prayoridad ang kaluwasan sa mga tawo busa suportado niini ang wala pagpadayon sa konsyerto , inubanan sa  Live Nation Philippines .

Gidetalye sa Live Nation Philippines pinaagi sa ilang Facebook page ang pamaagi sa pag-refund sa ticket holders .

 Kahinumdoman nga nagmalampuson ang unang gabii sa concert sa LANY sa Cebu sa niaging semana.