ABS-CBN, mokooperar sa MTRCB

CEBU, Philippines — Mohatag  og kooperasyon ang ABS-CBN sa Movie and Television Review and Classification Board (MTRCB) sa higayon nga  ipatawag na kini nga may kalabotan sa mga reklamong nadawat sa ahensiya batok sa pipila ka eksena ug interaksyon sa reality show nga Pinoy Big Brother (PBB) Collab 3.0.

Sa pagsulat niining balitaa, nagpaabot pa ang   ABS-CBN og notice gikan sa MTRCB . -

Gikatahong kapin na sa  100 ka reklamo ang gisagobang  sa PBB .

DongYan sa Metro Magazine

Ang celebrity couple nga sila Dingdong Dantes ug Marian Rivera maoy kasamtangang gi-feature  sa METRO Magazine, diin gipakita ang ilang lig-on nga chemistry, walay paghupas  nga kaanyag ug kaambong , inubanan sa malungtarong panag-uban isip magtiayon.Kasamtangan nila nga gi-promote ang ilang  bag-ong pelikulang “Remember,” nga proyekto sa Star Cinema.

Gikapoy sa pekeng panaghigalaay

Dili na interesado ang aktres nga si Alessandra de Rossi sa mga panaghigalaay nga dili tinuod nga gitawag usab niya nga peke . Suma pa  sa aktres nga gikapoy na siya sa mga tapok  nga nagtuyok lamang sa materyal nga mga butang . Mas gusto na niya karon nga makig-istorya sa yano nga mga tawo nga mas naghatag og bili sa mga panaghisgot bahin sa kinabuhi . Pilion niya ang makahuluganon nga panag-istorya kaysa mga estoryang nagtuyok sa mga butang nga gustong maangkon ug ipakita sa uban.

“Susunduan”

Gi-release na sa grupong IV of Spades ang  ilang bag-ong single nga nag-ulohan  og “Susundan.”Naghisgot kini sa  sinsero apan desperadong pagbati sa usa ka tawo nga nangandoy og  gugma. Madungog na kini sa  nagkalainlaing  music platforms ug  ubos kini sa  Sony Music Entertainment.Ang official  music video niini kay makita usab sa  YouTube channel sa IV of Spades.