Michael V pasok sa “Ella Arcangel”

CEBU, Philippines — Nalakip ang  komedyanteng aktor nga si Michael V. sa  animated film nga “Ella Arcangel.”Siya ang modala sa tingog sa  karakter nga si Mimiw, usa ka iring nga magsilbing kaabag sa bida nga si Ella Arcangel. Nahagit ang komedyante sa  voice acting tungod kay lahi kini sa iyang naandang pagdala sa mga karakter sa mga programa nga “Bubble Gang” ug “Pepito Manaloto.”

Third party Miangkon ang aktres nga si Aiza Marquez nga third party ang hinungdan sa ilang panagbulag  sa iyang bana.Gibutyag kini ni Aiza atol sa iyang guesting  sa programa nga “Fast Talk with Boy Abunda” sa niaging adlaw .Ang aktres adunay duha ka anak sa maong lalaki  nga nag-edad na og 15 ug 10 anyos. “Magkakasama kayo pero hindi mo alam na there’s something going on.Kaibigan niya but not mine. So para sa akin, hindi ko alam na posible pala ‘yon na mangyari na within that circle, puwedeng magkaroon ng third party,” saysay pa ni Aiza.

Higala ra gyud

Giklaro  sa aktres nga si Atasha Muhlach nga single siya karon.  Kahinumdoman nga dunay  mga espekulasyon nga nagbulag na sila sa iyang rumored boyfriend nga  si Jacob Ang.Gitataw  ni Atasha nga wala sila sukad nagkauyab ni Jacob ug maghigala ra gyud sila niini .

Michelle Dee, gipaubos  sa appendectomy 

Gipaubos  sa appendectomy o operasyon sa appendix ang beauty queen ug aktres nga si Michelle Dee sa niaging adlaw  human madiskobrehan sa mga doktor nga adunay pipila ka bato nga nakababag sa iyang appendix. Gikataho nga nakasinati si Michelle og grabeng sakit sa tiyan samtang padulong siya sa usa ka photo shoot.

Sa iyang Instagram broadcast channel, gipaambit ni Michelle ang litrato diin makita siyang naghigda sa hospital bed human sa operasyon.

“Just got out of the operating room. Thank you for all your well wishes. I appreciate every single one of you so much,” niya pa. Usa ka semana sa wala pa ang operasyon, naghatag na usab si Michelle og update bahin sa iyang kahimtang sa panglawas.

“Something really weird has been going on with my body lately. Just a little reminder to never ignore the signs your body gives you,” saysay pa sa beauty queen .