Mata ni Ashtine gioperahan

CEBU, Philippines — Gibutyag ni Ashtine Olviga nga bag-ohay lang siya niagi og eye surgery aron motin-aw ang iyang panan -aw.

Suma pa sa aktres nga usa sa mga hinungdan sa iyang desisyon mao ang kalisod niya sa pagbasa sa prompter atol sa iyang mga fan meet.

Duna pu’y  laing kalihokan nga  hanap gyud ang iyang panan-aw busa nagpa-check up na gyud siya sa iyang mata.

Maris dunay bag-ong uyab?

Miulbo karon ang chika nga duna na’y bag-ong boyfriend ang aktres nga si Maris Racal. Nasigpatan ang aktres nga kuyog ang iyang mystery guy sa airport ug shuttle bus. Giingong sweet kaayo ang duha.

Epoy nagpasalamat sa drayber

Puwerting lipaya sa aktor nga si Epoy Quizon gumikan kay  nahibalik kaniya ang cellphone nga iyang aksidenteng nabiyaan sa usa ka Transport Network Vehicle Service (TNVS) car .Sa iyang Instagram post, gipaambit ni Epy ang makapatandog nga kasinatian diin wala magduhaduha ang TNVS driver nga si Jhun Diaz sa pagpaningkamot aron mauli ang maong cellphone ngadto kaniya. Dako ang pasalamat ni Epy sa pagkamatinud-anon sa maong drayber. Mao kini ang nakapabalik sa iyang pagsalig nga aduna gihapoy mga tawo nga andam motabang ug mobuhat og maayo bisan walay bugti.

Laag ug pagkaon

Mas pilion ni  Nadine Lustre nga gastohan og maayo ang pagkaon ug  pagbakasyon  kaysa pagpalit og mahalon nga mga personal nga butang sama sa sinina, bag, ug uban pa.Sa iyang pakighinabi kang Kylie Verzosa sa “Almost Honest” vlog, gibutyag ni Nadine nga nihinay na siya sa pagpamalit og mga sinina gawas na lang kung  gikinahanglan.