Heath magpatukod og simbahan

CEBU, Philippines — Gibutyag sa Kapuso 2nd Big Placer sa Pinoy Big Brother Celebrity Collab Edition 2.0 nga si Heath Jornales nga gawas sa gitingoha niya nga malampusong karera sa showbiz, target usab  niya nga makabalos sa kaayo  sa iyang ginikanan.Sa usa ka interview uban ni Ogie Diaz sa YouTube channel niini, gipaambit ni Heath nga plano niyang gamiton ang iyang kita isip aktor aron matabangan ang iyang pamilya.Gibutyag usab niya nga usa sa iyang mga damgo mao ang pagtukod og permanenteng simbahan alang sa iyang inahan nga Kristiyano. Suma  pa niya, karon nag-abang lamang sila og lugar sa eskwelahan alang sa ilang pagsimba, busa gusto niyang mopalit og yuta ug magpatukod og simbahan aron libre nang magamit sa ilang mga kauban sa simbahan.

DJ JhaiHo gi-pneumonia

Dali nga gidala sa tambalanan sa niaging adlaw si  DJ JhaiHo  gumikan kay  naglisod siya og ginhawa  human sa iyang programa sa DZMM. Nasuta nga duna siya’y sakit nga  pneumonia.  Tungod niini, gihunongan na ni DJ JhaiHo ang  pag-vape  aron dili mosamot ang iyang kondisyon.

Makat-on ra

Gipadayag sa Kapamilya actress nga si Belle Mariano nga dako ang tabang sa konstruktibong kritisismo gikan sa social media sa iyang pagpangandam alang sa iyang mga papel sa pag-arte.Sa usa ka episode sa Oh My Gan! ni Ganiel Krishnan, gibutyag  ni Belle nga iyang giisip ang mga feedback nga makatabang sa iyang paglambo isip aktres. “I have read some and parang paano ko iibahin yung role kong next. I reflect, sometimes if it matters like parang dini-differentiate ko na yung mga kapag troll iyan or bashers, hayaan mo na sila or if it’s someone na genuine yung comment, that’s what I take into heart and I reflect on it,” suma pa ni Belle .