Alden, muntik bumigay!

Kamakailan ay lumahok si Alden Richards sa isang triathlon relay race sa Davao City.

Ayon sa Kapuso actor ay muntikan na niyang hindi matapos ang sinalihang event.

“The race route is situated along the Coastal Road of Davao City. So bukod sa napakainit, ‘yon ‘yung isa sa physical difficulty. ‘Yung hangin during the last 10 kilometers, gusto ko nang mag-give up eh. Kasi bumibigay na ‘yung katawan ko. Bumibigay na rin ‘yung legs dahil sa pagod, sa init. So sabi ko, either one, hindi ko siya tatapusin. Tapos madi-disappoint ko ‘yung mga taong naniwala sa akin. And most especially, I would disappoint myself. Or I would finish it, ibibigay ko lahat. I will empty the tank and make everyone proud and happy of all the efforts I’ve done to be able to finish the race. Siyempre do’n tayo sa positive kaya tinapos natin nang gano’n,” pagdedetalye ni Alden sa 24 Oras.

Tuwing Linggo ay napapanood si Alden bilang host ng Stars on the Floor 2026.

Mas kaabang-abang na raw ngayon ang mga magaganap sa naturang dance reality competition.

“Papalapit nang papalapit din kung sino ba ‘yung mapipili na­ting ultimate dance star duos. And at the same time, balik na ulit tayo sa score-an sa leaderboards para mapili natin ‘yung ultimate dance star duo.

“Accumulated siya all throughout the episodes starting from the day na naging permanent duo sila. So abangan n’yo, maraming plot twists na mangyayari dito dahil sobrang gagaling ng star duos na napapanood n’yo every Sunday,” pagbabahagi ng binata.

Pinaghahandaan na rin ngayon ng Asia’s Multimedia Star ang isang bagong serye na kanyang pagbibidahan. Kakaibang karakter ang gagampanan ni Alden sa medical drama series na Code Gray.

“Pre-production is being done right now. So magkakaroon siguro kami ng storycon very soon. Most probably middle of the year start na ng grind,” pagtatapos ng Kapuso actor.

Max, sanay na sa isla

Sa susunod na buwan ay mapapanood na sa GMA Network ang The Master Cutter na pagbibidahan ni Dingdong Dantes. Kabilang din sa pinakabagong serye ng Kapuso network sina Paolo Contis, Polo Ravales, Sienna Stevens, Shuvee Etrata, Jo Berry at Max Collins.

Ayon kay Max ay talagang malapit sa kanyang puso ang bagong karakter na gagampanan.

“My character is like an island girl. So, I feel like it’s very close to home. Since island girl naman talaga ako. I live in Boracay, ‘di ba?” nakangiting bungad ni Max.

Bilang paghahanda sa serye ay kinailangan pa umanong pumunta ng aktres sa isang beach sa Palawan.

“I went to Palawan for a while to immerse. Nag-immerse pa, palagi naman akong nasa beach. So, before kami nag-taping sa Bataan, I wanted to be in the beach na. Para mas natural for me that feeling of tan. And I could do grounding,” paglalahad niya.

Para kay Max ay kailangang pakaabangan ng mga manonood ang naturang proyekto. Hindi raw dapat palampasin ang bawat eksena na kanilang ginawa para sa bagong Kapuso action-drama series.

“Lahat kami, we all have a mixture of everything. There’s a little bit of action, there’s romance, comedy din, a lot of drama. So lahat, kumpleto talaga for the whole family,” saad ng aktres. (Reports from JCC)