Kate, pinagtangkaan ang buhay!
Inihahandog ng iWant ang ika-pitong orihinal na vertical microdrama ngayong taon na A Mother’s Vengeance.
Patuloy ang pagsikat ng paggamit ng vertical na format sa mga manonood dahil sa hatid nitong aliw at halu-halong emosyon sa pinaikling oras.
Pinagbibidahan ito ni Kate Alejandrino-Juan bilang Helen, isang ina na pinagtangkaang ipahamak ng kanyang mga biyenan—ang makapangyarihang pamilya Regala—sa isang planadong aksidente. Lingid sa kanilang kaalaman, nailigtas siya ni Doña Carmen Montinola, na nagbigay sa kanya ng bagong pagkakakilanlan bilang si Serena Montinola upang makapagsimula nang muli at ipaghiganti ang sarili.
Habang hinaharap ang kanyang bagong buhay, matutuklasan ni Serena na buhay pa pala ang kanyang mag-ama—Juanito at Anne—ngunit patuloy silang inaalipusta at inaabuso ng pamilyang Regala, ang mismong mga taong nagtangka sa kanyang buhay.
Mag-subscribe na sa iWant at panoorin ang episodes ng A Mother’s Vengeance simula Biyernes (Marso 20).
- Latest
