Hilda, naging ordinaryo sa Amerika

Hindi naging madali ang desisyon ni Hilda Koronel noon na talikuran ang show business at manirahan sa Amerika. Kasagsagan ng karera ng aktres nang pinayuhan ng asawang si Ralph Moore, Jr. na magpahinga na mula sa pagtatrabaho.

“No’ng umalis ako, matagal na rin, ilang decades na rin ako (sa industriya). My husband was saying, ‘Pahinga ka na,’ but by the same token, I was born and raised here, some of my kids are here, my grandchildren are here. So, I missed the people. And Manila will always be home for me. So, it’s kind of hard to leave my friends and family. Mahirap din, but you do what you have to do, because of my husband,” pagbabahagi sa amin ni Hilda sa Fast Talk with Boy Abunda.

Mula pagkabata ay naranasan na ng beteranang aktres ang hirap ng buhay kaya natuto sa mga gawaing bahay. Naging ordinaryo ang pamumuhay ni Hilda sa Amerika noon lalo pa’t wala silang kasambahay ng namayapang mister.

“Medyo mahirap pero tahimik. Mahirap nang konti, ikaw lahat. Wala kang katulong. Ikaw lahat ng trabaho. Sanay naman ako. I cook, I clean, I do everything,” kwento niya.

Samantala, walang sumunod sa mga yapak ni Hilda sa kanyang mga anak. Para sa aktres ay mas mabuting makapagtapos ng kanilang pag-aaral ang mga anak kaysa sumabak din sa show business.

“Buti naman, this is a very hard profession, you know. Mahirap, kailangan matibay ang sikmura mo dito because of the heartaches you have to go through. And the temptations you have to go through. Ang daming gwapo, right? I’d rather have them finish their schooling. Meron kasing kumukuhang artista do’n sa isang anak ko. So I told her, ‘You give me a diploma first and then after you graduate, kung gusto mo talaga mag-artista, by all means, go ahead. Para kung hindi ka sumikat, something to fall back on.’ I am practical. I’d rather na meron silang career na sarili nila,” paliwanag ng beteranang aktres.