Winwyn, sinasagot na ng anak

Tatlong taong gulang na ngayon ang anak ni Winwyn Marquez na si Luna. Bilang isang ina ay nai-enjoy umano ng beauty queen-actress ang pakikipag-usap sa bata.

“The best thing is that I can actually hold a conversation with her now at three years old. Sinasabi na niya kung anong gusto niya. ‘Yung pinakamahirap is since nakaka-hold na siya ng conversation, alam na niya kung anong gusto niya. Ang hirap nang magsabi ng ‘no.’ Kasi she can actually tell me what she really wants to do. Do’n lang medyo, pagbibigyan ko ba o hindi? But at the end of the day siya ‘yung nananalo,” natatawang kwento ni Winwyn.

Nakikita na raw ng beauty queen-actress na posibleng sumunod ang anak sa kanyang mga yapak.

“She loves performing. She loves dancing. She has her own walk already. Because she was exposed to the Miss Universe Philippines journey and I just love how she loves the camera like I do,” kwento ng aktres.

Mula nang magkaanak ay pansamantalang tinalikuran ni Winwyn ang pag-arte sa harap ng kamera. Ngayon ay nakabalik na sa trabaho ang anak nina Alma Moreno at Joey Marquez sa isang bagong proyekto na mapapanood sa susunod na taon.

“I’m thankful that GMA gave me another teleserye and action pa siya, which is something I’ve never done before. So, I’m just excited for everyone to see that,” pagtatapos ng beauty queen-actress.

Zia, nag-asikaso ng mana kay Dolphy

Pansamantalang iniwan ni Zia Quizon ang music industry. Taong 2013 pa nang huling nakapag-release ng album ang singer. Ayon sa anak nina Zsa Zsa Padilla at Dolphy ay malaking bahagi ng naging desisyon ay ang pagpanaw ng Comedy King noong 2012.

“I guess just life. Once my dad passed away, 21 years old lang din ako. So parang to get settled with my own home and things like that. Of course, my mom met somebody else and they have their life together now. So, I didn’t want to, I guess, intrude in their space and give them space, give myself space,” makahulugang paliwanag sa amin ni Zia sa Fast Talk with Boy Abunda.

Mula nang mamatay si Dolphy ay sinikap na ni Zia na tumayo sa sari­ling mga paa. Dalaga pa lamang noon ang singer at aminadong maraming natutunan sa buhay. Ngayon ay mahigit tatlong taon ng kasal sina Zia at Aleksa Rahul.

“It was more of I really had to grow up and move on and have my own home. I guess may learning curve talaga. I had to grow up and pay the bills myself and ako lang no’n eh. Now it’s a lot easier because I have a partner and things like that,” pagtatapat niya.

May mga ari-ariang namana si Zia mula sa Hari ng Komedya. Kinailangan daw pagtuunan ng panahon ng singer at pangalagaan ang mga ito.

“I am lucky that in a position na I get to own a home at this age. So, I really wanted to manage it as well as I could. And at 21, may parang estate kami on my dad side and I really wanted to learn how to manage those things,” dagdag pa ng singer.

(Reports from JCC)