^

PSN Showbiz

Bayani at pamilya, napasyalan ang pagkakasalan sana sa spain nila Bea

SHOWBIZ NEWS NOW NA! - Boy Abunda - Pilipino Star Ngayon
Bayani at pamilya, napasyalan ang pagkakasalan sana sa spain nila Bea

Isa si Bayani Agbayani sa mga naimbitahan upang dumalo sa kasal dapat nina Bea Alonzo at Vincent Co noong Mayo sa Spain.

Anak ng komedyante si Maria Thalia na napangasawa ng nakababatang kapatid ni Bea na si James. Nasa Spain na umano si Ba­yani at asawang si Lenlen nang mabalitaang hindi na matutuloy ang kasal nina Bea at Vincent. “Sa Madrid muna kami. Nauna kami do’n, May 1 pa lang nando’n na kami. May 15 (ang wedding) pero May 14 pa na dinner. Ngayon, pumunta kami sa Madrid. Nauna kami ro’n kasi balak namin ni Lenlen mamasyal. Pagdating namin ng Barcelona after Madrid, do’n namin nalaman. Umiikot kami kasi first time ni Lenlen sa Barcelona eh. Pagpunta namin do’n na nalaman na hindi (tuloy), sa anak ko. ‘Papa, hindi na po matutuloy.’ No’ng una hindi kami makapaniwala pero eventually, naniwala rin kami,” pagdedetal­ye sa amin ni Bayani sa Fast Talk with Boy Abunda. 

Kahit hindi natuloy ang pagpapakasal nina Bea at Vincent sa Spain ay pinuntahan pa rin nina Bayani at Lenlen ang lugar na pagdarausan dapat ng espesyal na okasyon. Matatandaang Hulyo nang idaos ang civil wedding nina Bea at Vincent sa Makati City Hall. “Happy-happy na kami muna kaysa malungkot kami. Kasi nando’n na rin po kami pinuntahan namin ‘yung lugar. May 14 meron dapat silang dinner. Pwede ko naman sigurong i­kwento ito dahil nakasal naman na sila. Pumunta kami do’n sa lugar kung saan dapat sila magdi-dinner. Kasi baka natuloy, tapos wala kami, naniniguro. Tapos ni-re-enactment namin. Ito magdi-dinner tayo pero sarado ‘yung gate, parang Malacañang eh. Tapos no’ng kasal niya, pumunta rin kami sa simbahan. Ayaw lang naming ilabas pero nasa amin ang mga video. Ang ganda ng lugar kaya pala gustung-gusto nila do’n. Ang ganda ng lugar. Ang ganda pala sa Jerez. Tapos tumuloy na kami ng Portugal. Pumunta kami do’n sa isang kasama natin dito sa production,” kwento ng komedyante. 

Ayon kay Bayani ay talagang ini-enjoy na lamang nila ng misis ang pamamasyal ngayong halos wala nang pinapag-aral na anak. “’Yan ‘yung pangarap namin ni Lenlen. Sabi namin, kapag umedad na tayo ng 55 pataas, mamasyal natayo. Tapos naman na ‘yung mga bata, lahat. Si Sabrina na lang ‘yung nag-aaral ng Medicine. Siya na lang ang matitira. Marunong silang magluto, marunong silang magmaneho, alam na nila lahat. Maria Thalia, Rosalinda Marie, Mary Mar, Marian Sabrina kasi si Lenlen po avid fan ni Thalia,” pagbabahagi niya. 

Bilang isang ama ay hindi na pinaghihigpitan ng aktor ang mga baba­eng anak. “Ngayon ako ay hindi masyadong mahigpit sa mga anak ko. Kasi una, mga dalaga na sila. Ako po ang teacher ng mga anak ko. Kaya proud ako na ang mga anak ko, Summa Cum Laude, Cum Laude, Dean’s lister,” paglalahad ni Bayani. — Reports from JCC

TRENDING

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with