Ralph, walang mapulutan ng emosyon

Marami ang nagsasabing hindi na kailangang sumabak sa show business ni Ralph de Leon dahil mayaman ang pamilyang pinanggalingan ng binata. Nakapagtapos si Ralph ng kursong Management Engineering sa Ateneo de Manila University.

“For me ‘yung showbiz po talaga, it’s something that I really learned to love also. As much as people say na hindi ko po kailangan magtrabaho, sobrang yaman na ‘yan, generational wealth. Pero ako po talaga hindi po ako umaasa do’n eh. From a very early age, they really taught me the value of working for what you have, of hopefully being independent one day.  Gusto ko po ng trabaho talaga na over the years hindi po ako magsasawa and showbiz was an industry that I saw myself growing in. I just wanted to try everything first so when I got the opportunity to model, sige try natin. And after modeling, nag-commercials po ako. Nag-try po ang ako ng hosting konti for backstage po ng Miss Universe Philippines. And then parang sabi ko parang may kulang, parang hindi po ako nafu-fulfill masyado sa ginagawa ko dito. So might as well let’s go into showbiz. Let’s try it out. Let’s see how it works,” pagdedetalye ni Ralph sa YouTube channel ni Karen Davila.

Nakumbinsi lamang umano ng baguhang aktor ang mga magulang upang payagang maging isang ganap na artista.

“With my family naman po it took convincing talaga. Parang, ‘Sure ka?’ Kasi unang-una hindi po talaga stable ‘yung trabaho natin dito. Alam naman po natin, they’re always gonna find someone new to probably replace you. Also, everyone is going to want the spotlight. So ang dami talagang nag-aagawan for that. After makausap ko po sila nina mama, naintindihan naman nila where I was coming from. Pero kailangang panindigan ‘yan kasi hindi pwede ‘yung papasok ka, tapos aayaw ka. if you want this, you have to stick to it. You have to work hard and take the necessary steps to be able to succeed,” kwento ng binata.

Aminado si Ralph na nahirapan sa pag-arte sa programang Zoomers dahil wala umanong mapaghugutan ng emosyon mula sa kanyang personal na mga karanasan.

“’Yon ang naging problema ko, saktung-sakto ‘yung sinabi ko sa kanila na, ‘Hindi po ako nanggaling sa mahirap na buhay.’ If ever may mahirap na eksena, ‘Saan po ako pupulot ng hugot?’ Sabi naman po nila, hindi kailangan from personal experiences. Of course, it helps to fuel your emotions inside. ‘Yung technique na ginagamit ko ngayon is based on the imaginary circumstances. It’s based on the character’s life,” paglalahad ng aktor.

Nangangarap si Ralph na makikilala rin balang araw sa larangan ng pag-arte. Ayon sa binata ay talagang pinagbubutihan niya ang lahat ng trabahong ginagawa.

“That’s my number one priority now. Siyempre building my name, building my brand. I didn’t go into this because of fame. Of course money is a factor but it’s not the number one thing. It’s really the craft. To just give this a shot is already something big for me. And being able to learn something from zero,” giit ni Ralph. (Reports from JCC)