Dubai concert sa SB19 madayon na gyud

CEBU, Philippines — Madayon na gyud  ang gikahinaman nga konsyerto sa Pinoy pop group nga  SB19 didto sa Dubai  ug mahitabo kini karong Abril 24.

Kahinumdoman nga nakanselar ang konsyerto sa maong grupo didto sa Dubai niadtong Nobyembre sa niaging tuig. Magpabilin gihapon ang titulo sa konsyerto nga "Pagtatag! World Tour: Dubai".

Ang maong grupo kay gilangkoban nila ni  Pablo, Josh, Stell, Ken, ug Justin.

Posibleng magbalik

Spotted sila si Sam Milby ug Catriona Gray nga nag-uban sa pagpanuroy sa niaging adlaw. Una na nga nigawas ang taho nga dako gyud ang posibilidad nga magbalik ang duha gumikan kay nagsagunson na ang ilang mga laag.

Engaged na?

Gipaambit ni KC Concepcion ang iyang mga hulagway sa Instagram  nga kuha atol sa iyang pagbakasyon  sa Batangas. Nabantayan sa pipila niya ka followers ang gisuot  niya nga singsing. Nagduda sila nga usa kini ka engagement ring .

Giregalohan og sakyanan

Nakahilak  ang aktor nga si Jon Lucas sa nadawat niya nga regalo gikan sa iyang asawa nga si Shy Feras. Usa kini ka brand new nga sakyanan nga nagkantidad og P2 million .