Selosa si Mariel

CEBU, Philippines — Perfect score na unta si Mariel Rodriguez sa lie detector challenge sa iyang pagguest sa Youtube channel ni Bea Alonzo. Pero nasangit siya sa iyang tubag sa pangutana kun selosa ba siya. "Alam mo ngayon hindi na... Hindi ako selosa, Oh my god! Hindi ako nagseselos," ni Mariel pa. Pero wala niuyon ang lie detector machine.  Busa depensa ni Mariel mao nga nagtuo gyud siya nga ang iyang bana nga si Senator Robin Padilla maoy seloso. Thirteen years na silang magtiayon.

Nimahal og samot

Nisaka na ang presyo sa kwentas nga gisul-ob ni Kylie Versoza sa iyang pagrampa sa Cannes Film Festival. Una kini niyang gisul-ob sa iyang pagrampa sa Distinctive International Arab Festival Awards sa Dubai diin napili siya nga best actress niadtong November 2022. Niadtong tungora, ang kwentas nagkantidad pa lang og P37 million ug ginganlan pa kini og Midnight Pink Tears sa creator niini nga mao ang LVNA by Drake Justin. Apan gimugnaan kini og maayo diin gipamun-an pa og mga bato ug ginganlan na  kini og The Midnight Pink Tears of Kylie Versoza ug kantidad na kini karon og P50 million.

Dili si Enrique nisugat

Nahibalik na matud pa sa nasud si Liza Soberano, pero ang tsika ni Mama Loi sa show nila ni Ogie Diaz, dili si Enrique Gil maoy nisugat niini sa airport. Dugang pa niyang tsika mao nga  nahibulong pa gani si Enrique pagkasayud nga nahibalik na si Liza dinhi. Sa laing tawo pa niya kini nasayran. Pero niingon si Ogie nga wala na gyud siyay kasayuran sa duruha. Apan gikumpirma niya ang giingon ni Mama Loi nga ang naandan si Enrique gyud ang mohatud-kuha ni Liza sa aiport. Pwes, ang pangutana: sila pa ba? Tubag ni Ogie, sure siya nga magkarelasyon pa ang duruha.

Gipapahuway usa

Gipulihan una ni Buboy Villar si Boobay sa GMA7 Sunday night show nga The Boobay and Tekla Show. Buot ang management nga matino gyud nga haom na nga motrabaho si Boobay human usab sa sunod-sunod niyang mga silent seizure, ang usa niini nasaksihan gyud sa publiko sa iyang pagguest sa Fast Talk With Boy Abunda. Samtang gidayeg og maayo si Buboy sa production group gumikan kay nabuhat gyud niini og tarong ang trabaho isip guest co-host.

Wow, Summa!

Mograduate ang anak ni Sheryl Cruz nga si Ashley isip Summa Cum Laude sa kursong psychology didto sa California. Suma ni Sheryl, mao kini ang labing nindot nga mother's day gift nga iyang nadawat. Malipayon siya nga bisan layo siya, wala nausik iyang kahago. Buwag na si Sheryl ug ang amahan ni Ashley nga si Norman Bustos, apan nagtambayayong sila pagsuporta sa pagtuon sa ilang anak.