Laban, Gabby!

"My Red Sea experience." Maoy caption ni Gabrielle Basiano niining hulagway nga iyang gi-upload sa nilabay nga adlaw. Kasamtangang atua sa Egypt si Basiano sanglit siyay pambato sa Pilipinas sa 50th Miss Intercontinental pageant sa October 14. Ang Pinay nga si Cindy Obenieta maoy mo-turnover sa korona ngadto sa bag-ong rayna.

Sorry, Ivana

Nag-sorry si Xian Gaza nila ni Ivana Alawi ug Zeinab Harake kansang mga FB pages nga may minilyon nga followers kalit lamang nangahanaw. Matud ni Xian, tinuod gyud matud pa ang nahitabo, ug gipaubos matud pa sa imbestigasyon karon sa FB ang maong hitabo. Kahinumduman nga nipadayag si Xian sa nilabay nga adlaw nga paminaw niya gituyo og unpublish ni Ivana ang FB page niini nga may 19 million followers kay naglikay ang aktres nga makabayad og tax.

Nauyab si Atty…

Uyab na ni Dawn Chang ang iyang abogado niadtong nagkasumpaki sila sa beteranang kolumnista nga si Cristy Fermin, kinsa niingon kaniya kaniadto nga wala siyay makab-ot sa showbiz kun wala pa siya nagbigabiga ngadto sa iyang mga boss. Ang maong abogado mao si Atty. Ralph Calinisin, kinsa hepe sa Quezon City—People’s Law Enforcement Bureau (PLEB). Natribukar ang ilang relasyon human nag-post si Dawn og birthday greeting para sa abogado niadtong Huwebes nga nagkanayon: “Para sa napaka espesyal na tao sa buhay ko. Maligayang kaarawan saiyo. May God continue to protect and guide you dahil napakabuti ng puso mo. Kasama mo ako sa kahit na anong laban. Mahal kita.” Nagkasuod sab sila si Dawn sanglit nagkauban sila ni Calinisan sa kampanya pagsuporta sa kanidatura ni kanhi Vice President Leni Robredo.