Best Wishes!
Magtiayon na sila si Jason Abalos ug Vickie Rushton. Gikasal ang duruha niadtong September 1, didto sa San Antonio de Padua Parish, sa Nasugbu, Batangas nga gitambongan sa ilang pamilya ug mga suod nga higala sa showbiz. Managsama nga gwapo ug gwapa kaayo ang magtiayon sa ilang gisul-ob nga mugna ni Francis Libiran. Kini base usab sa pipila ka mga hulagway nga gi-upload sa Nice Print Photo nga maoy ilang official photographer. Sila si Vickie ug Jason, usa ka dekada nga magka relasyon. Na-engage sila sa nilabay nga tuig.
“Apakagwapo apakapogi”
Gikalipay kaayo og dako ni Dimples Romana nga nagkita sila pag-usab sa iyang giisip nga “Kuya” nga si Jericho Rosales. Sa usa ka IG post, gipauwanan og pagdayeg ni Dimples si Echo. "@jerichorosalesofficial yung Kuya kong naguguluhan at shy pag kino-compliment Eh totoo namaaan! Apakagwapo apakapogi naman talaga!!! apakabait pa!!" Nanghinaot siya nga magkatrabaho na sila sa award-winning actor. "Sarap to see you again kuya! Your energy never fails to bring everyone around you joy and kilig! I swear!? " APAKAHUSAAAAY paaa! Kuya work na tayo ulit, please? Miss ka na namin mapanuod acting" Labyu!!" Managsama nga sakop sa Star Magic Batch 4 sila si Dimples ug Echo. Lakip sab sa maong batch sila si Kristine Hermosa, Nikki Valdez ug Dominic Ochoa.
Less stress, less pressure
Dako og natabang nga nahibalik na sa It’s Showtime sila si Anne Curtis ug Jhong Hilario. Kini suma pa ni Vice Ganda ngadto sa PEP. Si Anne nibiya sa maong ABS-CBN noontime show niadtong 2019 aron manganak apan natanggong siya sa Australia gumikan sa pandemya. Si Jhong, nag-leave sab sa nilabay nga tuig sanglit nilansar ug nidaog siya isip konsehal sa Makati City. Matud NI Vice, "Mas less stress, mas less pressure kasi siyempre pag buo ang family mo. Mas buo ang nabibigay naming fun, mas buo yung entertainment na naibibigay namin sa madlang pipol, yun ang pinakamasaya dun. Alam namin na mas effective kami pag magkakasama.”
- Latest
