"We both deserve to be happy"

CEBU, Philippines — Gibuak ni Miss Universe Top 5 finisher Beatrice Luigi Gomez ang iyang pagpakahilom human sila nagbulag sa DJ nga si Kate Jagdon usa ka buwan sa wala ang international pageant niya sa nilabay nga tuig.

Suma pa ni Bea, natapos ang unom ka tuig nila nga relasyon sanglit nakaplagan niya nga giluiban matud pa siya ni Kate sulod na sa usa ka tuig.

"After a series of confrontations, I learned that she had already been entertaining a person named 'Adam' for over a year during our relationship, she's made out with someone, made a move on other girls, and have been going out more often than usual that there were even times she wouldn't come home for days. I wouldn't know where she was or who she was with. I didn't recognize her anymore and things began to change. People warned me about what she's been doing and yet I continued to defend her and even tried my best to make it work," nagkanayon siya sa usa ka IG post.

Matud niya, aduna pud siyay sayup sanglit nakalimtan na niya si Kate gumikan usab sa iyang paningkamot pagpalambo sa iyang kaugalingon. Suma niya, wala na lang siya motingog pa gumikan kay gikontrahan na siya sa mga tawo sanglit gihimong biktima ni Kate ang iyang kaugalingon.

Niingon si Bea nga dili na lamang gyud unta siya motingog pa, apan daghan kaayong mga trolls ang nagsige og samok niya hangtud karon. Giaway siya tungod sa iyang gibuhat matud pa kang Kate.

Gani, usa ka gabii sa dili pa ang Miss Universe coronation didto sa Eilat, Israel, may mga nangaway pa niya ug niingon nga manghinaot sila nga mapilde siya gumikan sa paghimo niyang misirabli sa kinabuhi sa iyang ex.

Suma sa beauty-queen, aduna say magsige og hasol sa iyang pamilya. Mao kini rason nga nitingog siya sanglit kiwaw matud nga ang iyang adbokasiya mao ang mental health, apan siya mismo dili okay.

"I can only endure so much for too long. It is hard to advocate for mental health when I myself struggled through pressure, anxiety, and even depression." Matud ni Bea, gihigugma niya si Kate ug wala siyay gimahayan.

"I did love her. I don't regret anything in the six years that we've been together. I loved her until the last day I was with her."

"We both deserve to be happy... genuinely happy." Bukas ang Banat News Hugyaw alang sa habig ni Kate.

#forDEEuniverse

Pormal na nga gipahibawo sa kapuso star ug Miss World Philippines 2019 Michelle Dee nga mosalmot siya sa Miss Universe Philippines  karong tuiga, diin ang koronasyon

mahitabo sa April 30.

Hot Hat!

Nag-aso ang comments nga nadawat niining maong hulagway nga gi-upload ni Bea Alonzo kagahapon.  "Hot, hot, hot", matud pa. Gani, aduna kini 107, 796 reactions human lamang  sa unom ka mga oras.  Kuha kini didto sa                               

El Nido, Palawan, ug ang iyang uyab nga si  Dominic Roque maoy photographer.

Sa comments section

Pito ka mga Valentine's Day na ang ang gisaulog ni JM de Guzman nga single siya. Hinungdan nga nikomedya siya basin og anaa ra ang gitakda alang niya sa comments section sa iyang Instagram account.  "7th year valentines... still single. Hanap nang hanap.. baka nasa comments section ka lang."

Dili na follower

Gi-unfollow na ni Barbie Imperial sa Instagram ang iyang ex-boyfriend nga si Diego Loyzaga. Gipapas na sab ni Barbie ang ilang mga hulagway ni Diego. Pero si Diego, nag follow pa gihapon kang Barbie ug naa gihapon ilang mga hulagway. February 3, dihang giangkon ni Barbie nga natapos na ang usa ka tuig nga relasyon nila ni Diego. Sa interview sa Star Magic Inside News niya adtong February 9, giklaro ni Barbie nga nagkasinabot sila ni Diego nga unahon ang uban pa nilang priorities.

Dimples nitungha

Enrolled na si Dimples Romana sa New York University sa kursong Marketing & Public Relations nga humanon niya sulod sa tulo ka tuig pinaagi sa online class. Sa usa ka IG post, gibutyag ni Dimples nga nangandam siya adtong tungora alang sa iyang klase para sa subject nga "Analyzing the Digital Consumer." Kasamtangang atua karon sa Amerika si Dimples kauban ang iyang bana ug usa ka anak.

Magul-on lang

Gibiyaan na ni Angeline Quinto ang iyang dream house sa Quezon City. Ang maong balay maoy iyang napundar human siya nakabaton og regular nga trabaho human usab siya nidaog sa Star Power sa ABS-CBN kaniadto. Pero matud ni Angeline magmagul-anon lamang siya didto kay kanunay niyang mahinumduman ang mipanaw niya nga inahan, si Mama Bob. "So ngayon noong nawala ang mama ko, siyempre parang ang hirap-hirap po na everyday na gigising ka roon sa bahay na nakikita mo sa bawat sulok ng bahay 'yung memories namin together. So nahihirapan po ako," nagkanayon siya ngadto sa Magandang Buhay.

Sa LA na mupuyo

Mobiya na matud pa sa Pilipinas si James Reid aron adto na sa Los Angeles, California manimuyo. Wala pay opisyal nga pagpahibawo si James, apan aduna nay nikatap nga mga hulagway nga daw despedida party kauban ang iyang mga higala. Nagtuo ang iyang fans nga mobalhin ilang idolo sa Amerika aron mas maila pa ang musika niini.