Ivana Out, Erich In gyud!

CEBU, Philippines — Hingpit na nga gihulipan si Ivana Alawi isip bida sa iya untang launching project nga mag-ulohan og Ligaya.

Si Erich Gonzales na maoy mobida niini, ug si JC de Vera maoy iyang leading man.

Kahinumduman nga si Kit Thompson unta maoy mapares ni Ivana niining maong proyekto, apan lakip ang nahisgutan gihulipan sab.

Hinuon si Iva ug Kit ra ang nawagtang sa original cast, busa anaa gihapon sila si Janice de Belen ug Agot Isidro niining maong proyekto.

Apan giusab na ang titulo niining maong teleserye. Magdalena na ang ulohan niini ug dili na Ligaya.

Suma pa gihulipan na si Ivana kay nagdumili gyud kini nga mogawas sa ilang balay aron magtaping. Bisan pa og giingnan nga “lock in taping” ang mahitabo.

Apan dili sab mabasol si Ivana sanglit nanagana siya nga makompromiso ang iyang pamilya ilabi na nga adunay gihambin nga balatian ang iyang manghod nga si Mona. Mahadlok si Ivana nga siya maoy magdala og virus sa ilang balay.

Samtang ang Magdalena maoy rason nganong wala mahinayon si JC sa gag show nga Sunday Kada sa Brightlight Productions nga isalida na sa TV5 karong October 18.

Una na nga nabalita nga lakip si JC niini, kauban sab ang iyang mga barkada sa ABS-CBN gag show kaniadto nga Banana Sundae sanglit si Edgar Mortiz gihapon maoy director niini.

Apan usa ka semana na nga nagpadayon ang taping sa Sunday Kada team didto sa Boracay, walay JC nga nasigpatan didto.

Regular co-host na!

Pormal na nga gipaila isip regular co-host sa It’s Showtime si Kim Chiu niadtong Lunes.

Gumikan niini, tibuok semana na siya nga makita sa iyang fans kada udto sanglit ang It’s Showtime makita Lunes hangtud sa Sabado, ug sa Domingo, naa sab siya sa ASAP.

Kumpleto ang tanang miyembro sa It’s Showtime sa ilang pagwelcome kang Kim.

“Sobra madlang people” iyang tubag dihang gipangutana siya ni Vice Ganda kun nalipay ba siya.

Dugang pa ni Vice: “Congratulations for officially becoming our kapatid dito sa Showtime.”

“Pero, thank you because you choose to stay with us, you choose to be with us. Salamat. Maraming salamat.”

Dinhi na emotional si Kim ug nagkanayon, “Thank you na pinayagan niyo akong tumuntong dito. And magkakasama tayo.”

"Masaya lang ako na araw-araw tayo tatawa. Masaya ako na Kapamilya forever tayo.”

Nga gitubag ni Vice, “We are very happy na officially parte ka na ng pamilyang ito.”

Ang It’s Showtime makita sa Kapamilya Channel sa cable ug sa Kapamilya Online Live sa Youtube. 

Julia, nihawa na sa Star Magic!

Nipasilong na matud pa ubos sa Viva Entertainment si Julia Barretto, human siya nibiya sa Star Magic.

Kana maoy sibaw karon nga taho didto sa kaulohan, dungan sa balita nga si Barbie Imperial na maoy mobida sa teleserye nga Cara Y Cruz sa ABS-CBN.

Suma pa, apil gyud si Barbie sa cast, ug pagbiya ni Julia, siya na ang gituboy aron mamahimong bida.

Ang tsika, nag-story conference na sila alang sa nahisgutan nga teleseye hangtud nga nibuto ang taho nga dili na mahinayon si Julia niining maong proyekto sanglit nanamilit na siya  sa Star Magic.

Kini  human nibuto ang taho sa nilabay nga semana nga si Laurenti Dyogi na maoy mudumala sa nahisgutan nga talent arm sa ABS-CBN sugod karong January 1, 2021.

Una niini, niretiro si Mr. M o Johnny Manahan kinsa founder ug chairman emeritus sa Star Magic, u gang nahabilin na lang mo ang kaabag sa nahisgutan pagpalambo sa maong talent arm nga  si Mariole Alberto.

Apan paggawas sa balita sa nilabay nga semana nga kutob na lamang December 31, 2020 si Alberto, niulbo sab ang tsika nga pipila sa mga A- listers sa Star Magic ang gipakansela na ang ilang mga kontrata.

Gawas kang Julia, giingong hasta sab ang iyang rumored boyfriend nga si Gerald Anderson nibiya na sa Star Magic.

Hasta si Piolo Pascual giingong gidumala na karon sa Cornerstone Entertaiment.