Giunsa pagpili si Jasmine?

CEBU, Philippines – Gipaubos gyud diay  og audition sa GMA Network ang mga aktres nga nagtinguha  nga mahimong  leading lady ni Rocco Nacino sa Philippine adaptation sa Descendants of the Sun. Naa gyud mismo si  Rocco atol sa  audition  ug niabot ngadto sa lima ka aktres  ang nipaubos sa audtion.

Nasayran nga si  Jasmine Curtis-Smith ang napili sa audition  ug mao kini  ang nakakuha sa karakter ni   Captain Moira Defensor.

Suma pa ni Rocco nga hugyaw gyud ang gipakita nga performance ni Jasmine atol sa audition ug nahatagan gyud og hustisya ang   karakter niini sa maong teleserye.  Si Rocco sa iyang bahin,   wala siya nag-agi og audition  ug  gipili siya deretso alang sa karakter niya kun diin susama gyud sila og dagway sa orihinal nga nagdala niini, ang Korean actor nga si Jin Goo.

ABS-CBN nanghakot og awards

Nanghakot  og  ubay-ubay nga  major awards  ang ABS-CBN  sa  4th Guild of Educators, Mentors, and Students (GEMS) Hiyas ng Sining Awards.

Ang  "The General's Daughter” ni   Angel Locsin maoy napili nga  Best TV Series, samtang ang pelikula nila  ni Kathryn Bernardo  ug Alden Richards nga  "Hello, Love, Goodbye" maoy  Best Film. Napili nga  Best Actress Actress  (TV series)    si Dimples Romana alang sa maayo niya nga  performance sa  "Kadenang Ginto" .

Ang  host sa noontime show nga  "It's Showtime"  nga si Vice Ganda maoy   Best TV Program Host (Entertainment/Variety/Talk).

Sa pelikula si Sarah Geronimo ang napili nga  Best Actress alang sa pelikulang  "Unforgettable,"  samtang  Best Supporting Actress  si Charo Santos alang sa pelikulang   "Eerie".

Andrea gipahilak ni Derek

Puwerting hilaka  ni  Andrea Torres sa  effort ug  sorpresa na gidalit sa iyang boyfriend nga si  Derek Ramsay alang kaniya.

.Gipaambit sa mag-uyab pinaagi sa ilang  YouTube Channel ang unang bahin sa  Valentine's surprise ni Derek.

Samtang nisaka si Andrea padulong sa rooftop, gipatukar  ang  awit sa APO  nga  "Panalangin". Nakugang  si  Andrea sa dihang nagbabag   ang cut out nga  "D loves A" inubanan sa  romantic set up, lights ug mga buwak.

"Ang ganda! Oh my gosh ang ganda, nakita ko lang 'to sa Pinterest nu'ng isang araw," suma pa ni  Andrea.

Nora gitawag og “survivor”

Malipayon  ang banggiitang  actress-director gumikan kay   nakatrabaho niya si  Nora Aunor nga gihulagway niya nga “survivor”.

Ang direktor maoy gipahupot sa bag-ong teleserye sa GMA-7 nga  "Bilangin ang Bituin sa Langit.

"Alam ko na more or less kung ano ang mga ups and downs ng buhay niya, at 'yung ups and downs ng career niya. And I must say it's gives a great pleasure to be working with a survivor," suma pa ni  direk Laurice. Nalakip pud sa maong teleserye sila si  Mylene Dizon, Zoren Legaspi, Gabby Eigenmann ug  Kyline Alcantara.

Ang "Bilangin ang Bituin sa Langit" maoy  TV adaptation sa  1989 award winning blockbuster moviesa  Regal Films .

Nagbaha ang endorsements

Nagpungasi ang projects ni  Kathryn Bernardo sa pagsulod sa 2020. Gawas sa pelikula ug teleserye,  nagbaha  usab ang endorsements sa aktres. Duna pud siya’y endorsement kun nakauban niya ang iyang boyfriend nga si Daniel Padilla.

Gipangandoy si Alden

Gipangandoy sa  bag-ong Regal baby nga si Sarah Edwards nga makatrabaho puhon ang Kapuso star nga si Alden Richards.  Nalakip karon si Sarah sa pelikulang   Us  Again nga gibidahan nila ni RK Bagatsing  ug  Jane Oineza.

Panawagan ni Angel

Usa si Angel Locsin  sa nanawagan nga kinahanglan   nga i-renew  ang  ABS-CBN gumikan kay daghan ang nananarbaho niini ilabi na ang mga cameramen , utility,  ug uban pa.   Suma pa  ni Angel nga  liboan ka mga tawo ang naa sa ABS-CBN busa nanawagan siya sa gobiyerno nga i-renew ang   iyang mother network.

Nakauyon kang Kyline

Aminado  si Nora Aunor  nga maayo nga aktres  si  Kyline Alcantara. Makauban ni Nora si Kyline sa bag-ong teleserye sa GMA-7 nga Bilangin ang Bituin sa Langit. Mosikad na kini karong  February 24.

Upat ka tuig na

Gisaulog nila ni  Jasmine Curtis-Smith ug  Jeff Ortega ang  fourth anniversary isip mag-uyab niadtong Miyerkules.  "Four years of sharing ramen bowls, working towards our dreams, evolving in every trip we take, and abundantly falling in love with each other, with life. It's always home with you. I love you my #poffertjeff,"  suma pa sa IG post  ni Jasmine.

Dili madayon

Dili  madayon   si   Iñigo Pascual  sa pipila ka lugar diin mag-world tour  ang banda niya nga New Rules. Suma pa ni Iñigo  nga  "travel restrictions" maoy rason sa kalit-kalit nga kanselasyon. "To our fans in Europe, I look forward to meeting you in the future. Thank you guys for your support! To New Rules, wishing you a very successful tour ahead and I can't wait to work with you guys again!" suma pa  niya.

Promise ni Jason

Gipasalig ni   Jason Francisco   ngadto sa iyang asawa nga si  Melai Cantiveros  nga mag-uban gyud sila sa tibouk nila nga kinabuhi.  Mao kini ang unod sa mensahe  ni  Jason alang kang Melai sa Valentine’s Day. "Simple lang naman ang aking message sa iyo, gusto ko lang sabihin sa iyo na mahal na mahal kita at ikaw lang ang huling babaeng aking mamahalin. Ipinapangako ko 'yan sa iyo at kailanman ay hindi 'yon mababago," saysay pa ni Jason sa programang Magandang Buhay.

“Complete The Lyrics"

Gisuwayan nila ni Liza Soberano  ug  Enrique Gil  ang “Complete The Lyrics"  challenge. Ang lyrics sa  theme song sa teleserye nila nga Make It With You maoy ilang gisuwayan.

Gikilig sa bf

Gikilig og maayo si Karla Estrada sa  surpresang mensahe sa iyang boyfriend nga si  Jam Ignacio. Sa "Magandang Buhay" kagahapon, usa ka  video message ang gipadala ni  Jam alang kang Karla.  "Lagi mo lang tatandaan na nandito lang ako palagi para sa iyo. Kasi it feels right when I'm with you, sweet 'yon. At saka alam ko naman na matapat ka naman palagi sa akin. I love you," mensahe ni Jam ngadto  kang  Karla.

Dance cover

Naghimo og dance cover sila si  Zeus Collins ug Dawn Chang sa  "I Want You Back" ni Matthaios. Sa Instagram, gipaambit  ni  Zeus ang hugyaw nga video  nila ni  Dawn. Produkto sila si  Zeus ug Dawn sa  "Pinoy Big Brother."

Bag-ong mugna

Gi-post ni  Daryl Ong sa  iyang Instagram account   nga nagpakita   nga duna  siya’y  bag-ong gi-record nga kanta kun diin kauban niya sila si  Michael Pangilinan, Bugoy Drilon ug Katrina Velarde.Kahinumdoman  nga  nag-viral kaniadto ang  cover nila sa "One Sweet Day".