Jen ipares kang Dingdong

CEBU, Philippines — Mapasigarbohong gipahibalo sa GMA-7 nga si Jennylyn Mercado ang modala isip Dr. Maxine dela Cruz sa  Pinoy  adaptation sa Descendants of the Sun.

Una  kini nga gidala ni  Song Hye Kyo alang sa  Korean version niini..

Siya ang  mahimong  love interest ni  Captain Lucas nga pagadalhon ni Dingdong Dantes.

Giangkon ni  Jen nga na-pressure siya gumikan  kay nasayod siya kun unsa kakusog ang maong teleserye kaniadto.

“Hi everyone. Minsan lang ako magpost about my projects and hindi ko mapigilan ang sarili ko. I am super happy to portray Dr. Maxine De La Cruz of Descendants of The Sun The Philippine Adaptation,” suma pa sa iyang IG post.

Nakugang  si Jen sa gianunsyo kini sa  GMA  busa mapasalamaton gyud siya sa   iyang mother network.

“When I heard they started taping already and preparing for the soap, ako din na-curious kung sino nga ang napili para sa role. When I learned that it was me, I was overwhelmed with gratitude for GMA’s trust and also pressured since I know how big this project is. I promise I would do everything to give justice to the role. I won’t let you all down,” ni Jen pa.

Gitubag ni Alexa

Gitubag  ni  Alexa Ilacad ang netizen  kinsa  nipasangil kaniya nga matud pa iyahang gipalabas sa katawhan nga uyab sila ni Joshua Garcia nga kauban niya sa seryeng The Killer Bride

Suma pa sa netizen : “nagpost kasi si janella ang lt,dapat magpost din ang low key gf.”

Nasayran nga nag-post si Alexa sa hulagway nila ni Joshua ,

Nitubag  si Alexa og:  “hahaha pinagsasabi mo po?? issue ka. you do note”.

Samtang sa labing una nga higayon, mahimong bida  si Alexa sa usa ka pelikula.

Siya ang  lead star sa horror film nga  Santigwar  nga ubos sa  Horseshoe Studios . Si Joven Tan ang direktor sa maong pelikula.

“Ito pong Santigwar ang pinakamalaki ko. Madalang lang po akong mag-movie, laging teleserye po,”  matud pa niya.

James ug Nancy magpares

Na-hugyaw ang fans ni James Reid  human nilugwa kagahapon  ang balita nga makauban sa ilang idolo  sa usa ka  proyekto ang  sikat nga miyembro  sa Momoland nga si  Nancy  o Lee Seung Ri.

Magpares ang duha sa upcoming Kapamilya series nga ‘Soulmate’ nga pagadumalaon sa  Dreamscape.

Sa taho sa FB Page sa Kapamilya Online  World,   gihimo na kagahapon ang  story conference sa maong proyekto.

Sa laing bahin nipagawas na og statement ang kampo ni James  pinaagi sa iyang mga abogada sa  Kapunan and  Castillo Law Offices kalabot sa iyang pagbiya sa  VIVA Talent Agency.

Nagpasalamat og maayo si James  sa Viva nga maoy nagpalambo sa iyang career sulod sa pito ka tuig.

“James greatly appreciates the enormous contribution that has been made by his friends at Viva, especially “Boss Vic” del Rosario and the management group, and expresses his sincere gratitude to everyone at Viva who has contributed to the success of his career in the Philippines’ entertainment industry over the past 7 years.,” tipik sa statement sa kampo sa aktor.

Busy si James sa kaugalingon  niya nga  record label , ang Careless Manila , ingon man usab sa  management company sa iyang pamilya nga Reid Entertainment, Inc.

Unta may part 2

Emotional ang aktor nga si JC de Vera sa iyang Instagram post kagahapon may labot sa pagtapos na sa ilang teleserye nga “The General’s Daughter” sa ABS-CBN kagabii.

“Last airing day today! Are you guys ready?! Honestly, nalungkot din ako ngayon dahil isang taon namin binuhos ang pagmamahal namin para sa palabas na ito. Pati kami  hindi pa handa para matapos. Sa totoo lang, ayaw ko pa. Bitin ako, pero mas maganda na matapos ito ng nasa itaas pa di ba. Eto na ang huling araw na susuotin ko ang military costume ko. Hindi pa ako handa.

Dungan niini, nanghinaot na lang siya nga aduna untay part two ang maong teleserye sanglit mingawon pa siya sa iyang mga nakatrabaho.

Sana may part 2 nalang.  Pero masayang masaya ako sa lahat ng mga nangyari. Isang experience na hinding hindi ko makakalimutan. Maraming salamat sa AbsCbn, @dreamscapeph and @montie08 sa napakagandang opportunity na ito. Maraming salamat sa mga co-actors ko na walang tigil sa pagpapakita ng galing sa larangan ng pag-arte, ibang klase kayong lahat sa galing, sa pagmamahal at sa pagkakaibigan. Sa aming creatives, Directors, production staff and crew, maraming salamat sa walang sawang magpaka pagod para lang gawin exciting ang bawat eksena at maraming salamat din sa pagalaga nyo sa amin! The best kayo! At sympre sa mga fans ng The General’s daughter na gabi gabi ay sinasamahan kame, maraming salamat dahil tinagkilik nyo ang aming palabas. Salamat sa supporta at pagmamahal sa lahat ng characters. Mahal namin kayo  “Eto na! Huling gabi! Samahan nyo ulit kame ha! Thank you!!!”

Antoinette gihatagan og rekognasyon

Gihinganlan sa  United Nations Environment Programme ang aktres nga isip dugang personalidad  sa ilang listahan sa  national goodwill ambassadors  gumikan sa kontribusyon niini   sa pag-amping sa kalikupan.

Nakadawat ang aktres og rekognasyon  niadtong Huwebes.

Si  Antoinette ang  founder sa CORA, usa ka  non-profit organization nga naghatag og mga maayong programa sa komunidad.

“Thank you [UN Environment Programme] for this incredible honor and for the opportunity to join you on this urgent and important mission for people and our one and only planet,” suma pa ni Antoinette .“

Sila diay…

Ubay-ubay ang nahugyaw kagahapon nga aduna diay uyab ang Kapamilya star nga si Joseph Marco. May mga nadismaya sab kay nagtuo sila nga ang leading lady niini sa Los Bastardos nga si Ritz Azul maoy uyab sa aktor.  Kini human usab siya ni-upload og mensahe alang sa iyang uyab nga si Celeste Cortesi.

Birthday ni Joseph kahapon ug giisip niyang dakong gasa ang paghiabot ni Cortesi sa iyang kinabuhi.

Busa, mensahe niya ngadto niini sa iyang IG account: “Just a moment ago, I thought of you and my heart was filled with gratitude... thank you for existing. I love you.”

Gitubag usab kini ni Cortesi og: I love you wawa..

Si Cortesi mao ang napili nga Miss Earth Philippines 2018.

Ogie sa MMK

Sa labing unang higayon,  molugwa si  Ogie Alcasid sa usa ka  episode sa  drama anthology  sa ABS-CBN nga  “Maalaala Mo Kaya” (MMK).

Modala siya isip  Carlo, usa ka clown ug  puppeteer.  Ang maong episode molugwa karong gabii.

Makauban niya sa maong episode ang singer-actress nga si Vina Morales nga modala isip iyang asawa.

Nuuk nagkadoul na

Karong   November 6 ipasalida  ang pelikulang  Nuuk nga gibidahan nila ni Alice Dixson ug  Aga Muhlach Malipayon ang duha gumikan kay komportable ra sila atol sa shooting sanglit nagkauban na sila kaniadto sa trabaho. Nagkauban sila sa pelikulang  Batang Ama ug  Sinungaling Mong Puso.

Military training

Dili pa lang dugay, nipaubos si  Ejay Falcon sa basic Citizen Military Training sa  Air Force Reserve Command sa  Philippine Air Force. Suma pa sa aktor nga dugay na  siya nagplano niini ug wala siya mosabay sa uso.“Taong 2015 pa noong gumawa kami ni Coco (Martin) ng MMK  ‘yung SAF 44. Nag-train ako sa kanila, sa PNPA, 2 days or 3 days yata ako ro’n naka-lock in. No’ng na-experience ko ‘yung buhay nila, sabi ko, gusto ko talagang maging sundalo, gusto kong maging pulis. Pero that time, wala pang mga ganyan, wala pang mga reservist, pinost ko lang siya,” suma pa ni Ejay.

Andam mahimong hunk

Human sa duha ka tuig, andam si Manolo Pedrosa nga mosunod sa tunob ni  Marco Gumabao .  Nasayran nga usa sa mga asset ni Marco mao ang hugyaw nga pamorma sa lawas niini.

Daghan og nakat-onan

Daghan matud pa og nakat-onan ang GMA-7 hunk nga si Pancho Magno sa Kapuso afternoon series niya nga  Dahil sa Pag-ibig. Usa matud pa sa nasulod sa iyang huna-huna mao  nga buhaton gyud niya ang tanan aron lang gyud maseguro ang kaugmaon sa iyang pamilya.

Dunay mga crush

Gipadayag sa mag-uyab nga sila si Barbie Fortez  ug Jak Roberto nga duna gihapon sila’y mga crush.  Na-crush si Barbie kang Dennis Trillo, samtang si Jak nakauyon sa beauty ni Jennylyn Mercado.

Suod kaayo

Dili na gyud  mabangbang  ang kasuod nila ni  Sarah Geronimo ug  Regine Velasquez.  Suma pa ni Sarah nga dali ra kaayo siya makahangyo ni Regine kun ganahan siya makig-bonding  niini.  Nagpabiling giidolo ni Sarah si  Regine.

Surfing napud

Malipayong gipahibalo  ni  Andi Eigenmann nga nakabalik na gyud siya sa mga gusto niyang buhaton sa Siargao.   Usa na niini  mao ang  surfing.  Karon lang siya kabalik niini sukad  niya gihimugso niadtong Hulyo ang ikaduha niya nga anak.”Body still feels sort of broken, still not as strong as I thought I would be, albeit the daily exercise. I feel like I am back to basics with my stiff arms and abs buried underneath the remaining pregnancy weight,” suma pa sa iyang IG post.

Walay depression

Hugtanong gihimakak ni Pia Wurtzbach nga naghambin siya karon og depression . Kahinumdoman nga nabalaka kang Pia ang iyang fans  tungod sa iyang  vlog nga naghisgot nga dili siya okay.”Hindi siya depression. It’s something that happens to everybody. We all wake up some days that we are not 100 percent okay. Minsan wala naman talagang anything specific na nangyari, it’s just that you worry too much,” saysay pa niya ngadto sa ABS-CBN News.

Purpose sa kinabuhi

Samtang nagkadugay, anam-anam nga nasuta ni  Clint Bondad ang  purpose sa  iyang kinabuhi.  Suma pa ni Clint nga  importante kaayo ang pagbalanse sa  iyang mga gipangbuhat.

Nakahilak sa regalo

Nakahilak  si  Robi Domingo sa dihang gihatagan siya og birthday gift sa iyang girlfriend  nga si Maiqui Pineda.Usa kini ka limited edition nga  handcrafted sa  Poké Ball.Pinalit kini ni Maiqui didto sa UK.