Tinud-anay o gimik?

Sanden: Hello mga kabanatanay! Kumusta naman mo uy? Akong panghinaot nga naa mo sa kapiskay karong panahona. Pahimutang na kay mag-Banatanay na ta! Gipistahan karon sa mga tsismosa ang lenggua ni Miss Universe 2018 Catriona Gray nga single siya ug buwag na sila sa modelo nga si Clint Bondad. Nasayran nga sa nilabay nga tuig pa gyud nagbulag sila si Catriona Gray ug Clint. Nakugang ang mga bayot sa parlor sa tsika ni Catriona nga sa wala pa sila nilarga alang sa Miss Universe pageant didto sa Thailand,nagtakilid na daan ang ilang relasyon. Bisan paman nga wala niya gitsika ang rason sa ilang breakup, mapasalamaton siya kang Clint gumikan kay nagmalipayon gyud siya sa dihang uyab pa sila niini. Nagkalain-lain ang reaksyon sa netizens, ang uban gianugonan sa ilang relasyon,samtang ang uban nilenggua nga maayo rapud para tulin nga mabuhat ni Catriona ang iyang mga obligasyon isip Miss Universe. Anugon jud baya. Unsaon taman, wala man nag-work? Kun si Banat News Hugyaw editor Ryan Mark pa angpasultion, magbalik  ra na sila inigkahuman sa termino ni Catriona isip Miss Universe.

Yuri: Hellloooo, mga KaBANATanay! What’s up? Hapit na ang summer season, mao karun palang planoha na ninyo asa mo manuroy, outfit nimo, lawas nimo ug labaw sa tanan...kwarta nimo pasok ba kini sa budget! Pero kining drama karun ni Catriona Gray ang atong Miss Universe 2018 nga single na daw siya? Well, kun mao man gani kini, mas matagaan niya og higayon ang iyang responsibilities as MU. Basin she can’t have both worlds— a lovelife and career only the Universe! Nindot pud ni nga publicity sa EX boyfriend ni Catriona nga si Clint Bondad nga wala nanimaho ang showbiz career. Mas nailhan na siya sa katawhan karun. Kun unsa man gani na nga mugna ni Catriona nga single siya, iyaha pud na dili nako magbuwabuwa kay I love Catriona pero mas Love nako iyang EX nga si Clint Bondad nga Kapuso na! Awwww!!!

Jaypee: Olah mga Kabanatay! Happiest Tuesday! Nagpanikad na ko nga mutubag aning mga hampaslupa nako’ng mga beshie nga mga way mga kapuslanan, ambot ani nila nganung mga simang kaayo ni sila. Busa sa way paglangay langay, na hala atu nang sugdan. Hoy beshie Yuri, nganung muingun man ka nga wa manimaho ang career sa uyab ni Catriona? Kay nganu hilig ba diay ni syag papansin sa showbiz nga dili man kaayo? Hala noh! Mas love pa sya nimo kay kang Catriona? Unsa diay kang klase nga pagka Pilipino? Dili ka proud ni Catriona nga nahimo siyang Miss Universe? Nga gipabarug niya ang bandera sa Pilipinas sa tibuok kalibutan? Or should I say nga insecure ra ka niya? Kamong duha Sanden ug Yuri dapat ma proud mo ni Catriona oy, dili kay inyo siyang sawayun. Imagine iyang giangkon karon nga sa kasagsagan sa Miss Universe pageant sa Thailand, dili na okay ilang relasyon nga gihulagway niya nga lisod alang niya apan iyang gipili nga mas mofocus sa maong pageant kay mas importante matud pa niya nga mahatagan og dungog ang nasud. Catriona must have been a very tough lady, kun kamo pang duha atu aguy, di namu ka concentrate oy, sige na mo’g minatay kay shaky inyung relationship sa inyung uyab. And take note, taas taas baya nga katuigan ang ilang giubanan.

Sanden: Nisuol nasad imong pagka-nega hampaslupa. Asa kaha na gibutang imong utok nu? Proud ming Catriona, nakasabot rami kun nganong gipili niya nga mag-single. Pero klaro kaayo nga temporaryo rana ang iyang pagka-single,magbalik rana. Wala pud ta kahibalo uy,basin drama rapud na. Hinuon,tataw kaayo nga mag enjoy sa publicity si Clint kay naa baya siya sa showbiz. Magmaya paman ka karon Jaypee kay wagas pa imong lovelife,well tan-awon nato sa umaabot nga katuigan.

Yuri: Hoy Jaypee! Proud sad mi ni Catriona noh? Ka -minatay baya nimo, bisan unsa nalang imong gipang-yawit diha. Naunsa naman na imong pangutok uy? Kalimot seguro ka og inom og tambal. Okey ra mag-single siya, wala ko’y labot kay dako na siya, she knows what’s best for her ug asa siya malipayon support rako. Pero makahibulong lang nga sa ilang ka sweet karun lang ni- aslom. So unsay tawag ani? Duwa-duwa og feelings? Ma-hugyaw lamang gud ta gud! Shalan ba???

Jaypee: Unsay nakahibulong ana beshie Yuri? Natural niaslom kay nagbuwag naman. Hala nu, maglata pa kag garaba. Para naku Sanden dili ni scripted ilang pagbuwag kay true person si Catriona. Dili pareha nimo nga molutaw sa dagat. Well if magbalik sila after sa reign ni Catriona, mas maayo. Ug mas magpakita sab og patience ang laki kun mao na. Basta ako, wa koy laing gitinguha kun dili ang magmalipayun lang gyud tawon ang atung Miss Universe kay after all, humana man sad niya napalipay ang “millions of Filipino people around the world.” Yuri ug Sanden